రద్దుపై గ్లామర్ ఆంటీ ఏమన్నదంటే..

నోట్ల రద్దుపై ప్రధాని మోడీ తీసుకున్న నిర్ణయంపై మొదట్లో కొందరు ప్రముఖులు పాజిటివ్ గా రియాక్ట్ కావటం.. వారిపై పలువురు దుమ్మెత్తి పోయటం లాంటి వాటితో రద్దుపై చాలామంది మౌనంగా ఉంటున్న పరిస్థితి. మరోవైపు.. నోట్లను రద్దు చేసి రెండు వారాలకు దగ్గరగా వస్తున్నా.. నేటికీ నోట్ల కష్టాలు తీరకపోవటంపై ప్రజలు తీవ్ర ఆగ్రహంతో.. అసంతృప్తితో ఉన్న విషయం తెలిసిందే.

ప్రజలు ఎంత ఆగ్రహంగా ఉన్నారన్న విషయాన్ని కోర్టులు సైతం హెచ్చరిస్తున్న వేళ.. రద్దు నిర్ణయంపై స్పందించటానికి ప్రముఖులు పెద్దగా ఇష్టపడని పరిస్థితి. ఇలాంటి వేళ.. ఎలాంటి జంకు లేకుండా గ్లామర్ కు తనదైన శైలిలో అర్థం చెప్పిన బాలీవుడ్ అందాల ఆంటీల్లో ఒకరైన విద్యాబాలన్ పెదవి విప్పారు. ముంబయిలో జరిగిన ఒక కార్యక్రమానికి హాజరైన ఆమె.. మోడీ తీసుకున్న రద్దు నిర్ణయానికి ఆమె మద్దతు పలికారు.

పెద్దనోట్ల రద్దుతో ప్రతి ఒక్కరికి ఇబ్బందులు ఎదురవుతాయని.. కానీ.. వచ్చే నెలలో పరిస్థితులన్నీ మెరుగు పడతాయన్న ఆశాభావాన్ని వ్యక్తం చేశారు. రద్దుపై మోడీ చాలా మంచినిర్ణయం తీసుకున్నారని ప్రశంసించారు. అయితే.. రద్దు కారణంగా ఇబ్బందులు కొన్ని ఉన్న మాట వాస్తవమే అయినా.. త్వరలోనే అవన్నీ తీరిపోతాయన్న ఆశాభావాన్ని వ్యక్తం చేశారు. రద్దు నిర్ణయంపై జనాలు తీవ్ర ఆగ్రహంతో ఉన్నారంటూ కోర్టు సైతం చెబుతున్న వేళ.. అందుకు భిన్నంగా క్యూట్ ఆంటీ మాత్రం ఎలాంటి మొహమాటం లేకుండా మోడీ నిర్ణయానికి మద్దుతుగా నిలవటం గమనార్హం.

Like Us on Facebook : https://www.facebook.com/Tupakidotcom/