బేగమ్ జాన్‌ లో డర్టీని మించిపోయిందా?

డర్టీ పిక్చర్ అంటూ విద్యాబాలన్ సృష్టించిన సంచలనాలకు లెక్కేలేదు. సిల్క్ స్మిత లైఫ్ స్టోరీని సినిమాటిక్ గా మలిచి తీసిన ఈ చిత్రం బాక్సాఫీస్ వసూళ్లను కొల్లగొట్టింది. ఆ తర్వాత ఇలాంటి అవకాశాలు ఆమెకు చాలానే వచ్చాయి కానీ.. ఎంపికలో మాత్రం ఎలర్ట్ గా ఉంటోంది విద్యాబాలన్. తాజాగా విద్యాబాలన్ నటిస్తున్న మూవీ బేగమ్ జాన్.

శ్రీజిత్ ముఖర్జీ దర్శకత్వంలో ఈ చిత్రం తెరకెక్కనుండగా.. ఈ మూవీకి సంబంధించిన ఫోటో ఒకటి ఇప్పుడు నెట్ లో చక్కర్లు కొడుతోంది. బేగమ్ జాన్ లో విద్యాబాలన్ ఫస్ట్ లుక్ ఇది అనే ప్రచారం జరుగుతుండగా.. ఫుల్లు నాటు అవతారంలో ఉన్న విద్య.. డర్టీ పిక్చర్ ను మించి కేరక్టర్ ను పండించేస్తోంది. ఇంతకీ ఈ సినిమాలో ఈమె చేస్తున్న రోల్ ఏంటంటే.. 1947లో భారత దేశ విభజన సమయంలో పంజాబ్ లో బ్రోతల్ హౌస్ నడిపిన ఓ మహిళ పాత్రే ఈ బేగమ్ జాన్. బెంగాలీలో రాజ్ కహిని పేరుతో తెరకెక్కిన ఈ మూవీని.. హిందీలో రీమేక్ చేస్తున్నారు.

శ్రీజిత్ ముఖర్జీకి ఇది బాలీవుడ్ అరంగేట్ర మూవీ కావడం విశేషం. విశేష్ ఫిలిమ్స్.. ప్లే ఎంటర్టెయిన్మెంట్ లు బేగమ్ జాన్ ను ఉమ్మడిగా నిర్మిస్తున్నాయి. నసీరుద్దీన్ షా.. ఆశిష్ విద్యార్ధిలు కీలక పాత్రలు పోషిస్తున్నారు. బేగమ్ జాన్ రోల్ తో విద్యాబాలన్ మరోసారి ఉత్తమ నటి కంటెస్టెంట్ అయిపోతుందని అంచనాలు వినిపిస్తున్నాయంటే.. ఏ స్థాయిలో ఈ భామ రెచ్చిపోతోందో అర్ధమవుతుంది.

Like Us on Facebook : https://www.facebook.com/Tupakidotcom/