వారసుడు.. దిల్ రాజు ప్లాన్ 'అదిరింది'

తమిళ హీరో విజయ్ ఇప్పుడు తెలుగులో వారసుడు సినిమాతో ఎలాగైనా సక్సెస్ అందుకోవాలని అనుకుంటున్నాడు. అతను నటించిన సినిమాలు ఇటీవల కాలంలో తెలుగులో డీసెంట్ కలెక్షన్స్ అందుకుంటున్న విషయం తెలిసింది. ముఖ్యంగా మాస్టర్ సినిమా అయితే విజయ్ కు మొదటిసారి తెలుగులో మంచి నెంబర్స్ ఐతే తీసుకొచ్చింది. దీంతో అప్పటినుంచి అతను తెలుగు సినిమా ఇండస్ట్రీపై మరింత ఫోకస్ చేశాడు.

అయితే మాస్టర్ తో వచ్చిన క్రేజ్ బీస్ట్ సినిమాకు బిజినెస్ కు బాగానే ఉపయోగపడింది. కానీ ఆ సినిమా నెగిటివ్ ఫలితం అందుకోవడంతో డిస్టిబూటర్స్ కు నష్టాలను కలిగించింది. ఇక ఈసారి ఎలాగైనా వారసుడు సినిమాతో సక్సెస్ అందుకొని తెలుగు మార్కెట్ లో డిమాండ్ పెంచుకోవాలని అనుకుంటున్నాడు. ఈ సినిమాను దిల్ రాజు నిర్మిస్తున్న విషయం తెలిసిందే. తెలుగు దర్శకుడు వంశీ పైడిపల్లి దర్శకత్వం వహించాడు.

ఇక తెలుగులో ప్రత్యేకంగా విజయ్ మొదటిసారి ప్రమోషన్స్ కూడా చేయబోతున్నాడు. అయితే ఈ సినిమాపై ప్రమోషన్స్ ప్రణాళికలు కూడా మొదలుపెట్టినట్లు తెలుస్తోంది. ఇప్పటికే ఒక సాంగ్ విడుదల చేశారు. అయితే దిల్ రాజు స్ట్రాటజీ చాలా డిఫరెంట్ గా ఉంటుంది అని చెప్పవచ్చు. ఇక తెలుగులో విజయ్ సినిమాలో మంచి రెస్పాన్స్ అందుకున్న వాటిలో అదిరింది ఒకటి. అట్లీ దర్శకత్వంలో వచ్చిన మెర్షల్ సినిమాను తెలుగులో అదిరింది పేరుతో విడుదల చేసి మంచి సక్సెస్ అందుకున్నారు.

అయితే ఆ కమర్షియల్ సినిమాను ఇప్పుడు మళ్లీ రీ రిలీజ్ చేయాలని ఫిక్స్ అయ్యారు. డిసెంబర్ 4వ తేదీన ఆర్టీసీ క్రాస్ రోడ్స్ లోని సుదర్శన్ 35MM లో సాయంత్రం 6 గంటలకు అదిరింది సినిమా స్పెషల్ షోను ప్రదర్శించబోతున్నారు. ఇక ఇటీవల తెలుగులో విజయ్ కు ఫ్యాన్ ఫాలోవర్స్ పెరిగారు. ఇక ఆ స్పెషల్ షో కోసం ఆ ఫ్యాన్స్ అందరు కూడా రాబోతున్నట్లుగా తెలుస్తోంది. ప్రస్తుతం సోషల్ మీడియాలో అదే న్యూస్ వైరల్ గా మారింది. ఈ సినిమాపై పెరిగే బజ్ వారసుడు సినిమాకు ఉపయోగపడుతుంది అని డీకే రాజు కొత్త ప్లాన్ వేసినట్లు అనిపిస్తుంది. మరి ఆ ప్లాన్ ఎంతవరకు వర్కౌట్ అవుతుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.