విజయ్-అట్లీ సినిమా స్టొరీ ఇదేనట!

తమిళంలో రజనీకాంత్ తరవాత ఆ రేంజ్ ఫ్యాన్ బేస్ ఉండే స్టార్స్ లో విజయ్ ఒకరు. విజయ్ నటించిన సినిమాలు ఈమధ్య రజనీ చిత్రాలకంటే మెరుగైన కలెక్షన్స్ వసూలు చేస్తున్నాయి. అదే ట్రెండ్ కంటిన్యూ చేస్తూ విజయ్ లాస్ట్ సినిమా 'సర్కార్' కూడా భారీ విజయం సాధించింది. ఇదిలా ఉంటే విజయ్ ప్రస్తుతం అట్లీ కుమార్ దర్శకత్వంలో ఒక సినిమా చేస్తున్నాడు. #విజయ్63 గా ఫ్యాన్స్ పిలుచుకుంటున్న ఈ సినిమా స్టొరీ ఇప్పుడు సోషల్ మీడియాలో చక్కర్లు కొడుతోంది.

ఈ సినిమా స్పోర్ట్స్ నేపథ్యంలో ఉండే ఒక సస్పెన్స్ థ్రిల్లర్ అని సమాచారం. ఈ సినిమాలో విజయ్ ఇండియన్ ఫుట్ బాల్ టీమ్ కు కోచ్ పాత్రలో నటిస్తున్నాడట. కోచ్ గా ఎంత ట్రైనింగ్ ఇచ్చినప్పటికీ తన టీమ్ మాత్రం మ్యాచులు గెలవడంలో విఫలమవుతూ ఉంటుందట. కారణం తన టీమ్ లో ఉన్న ప్రతిభావంతమైన ఆటగాళ్ళు ఒకరి తర్వాత ఒకరు అనుమానాస్పద పరిస్థితుల్లో మరణిస్తూ ఉండడమే. చివరికి ఆ హత్యారోపణలు విజయ్ మెడకు చుట్టుకుంటాయట. దీంతో తాను నిర్దోషి అని నిరూపించుకోవడానికి ఆ హత్యల వెనక ఎవరున్నారో కనుక్కునేందుకు నడుం బిగిస్తాడట. వినేందుకు స్టొరీలైన్ ఇంట్రెస్టింగ్ గా ఉంది కదా?

మరి ఈ కథ నిజంగా #విజయ్63 కోసం దర్శకుడు అట్లీ తయారు చేసుకున్న కథ ఔనో కాదో తెలియదు కానీ ప్రస్తుతానికి మాత్రం ఇదే కథ అని కోలీవుడ్లో ప్రచారం సాగుతోంది. విజయ్ - అట్లీ కాంబినేషన్లో 'తెరి'.. 'మెర్సల్' లాంటి సూపర్ హిట్స్ గతంలో తెరకెక్కాయి. ఈ సినిమా వారిద్దరి కాంబినేషన్లో రానున్న మూడో చిత్రం. మరి ఈ సినిమాతో హ్యాట్రిక్ సాధిస్తారో లేదో వేచి చూడాలి.