సూపర్‌ హిట్‌ మూవీ సీక్వెల్‌ స్క్రిప్ట్‌ రెడీ

తమిళంలో విడుదలై సూపర్‌ హిట్‌ అయిన పిచ్చైకారన్‌ చిత్రంను తెలుగులో బిచ్చగాడు గా డబ్‌ చేసి రిలీజ్‌ చేశారు. తమిళంతో పాటు తెలుగులో కూడా ఈ చిత్రం సెన్షేషనల్‌ సక్సెస్‌ దక్కించుకుంది. ఈ సినిమాతో తమిళం మరియు తెలుగులో విజయ్‌ ఆంటోనీ ఒక్కసారిగా స్టార్‌ గా మారిపోయాడు. బిచ్చగాడు వచ్చి నాలుగు సంవత్సరాలు అయినా కూడా ఇప్పటికి విజయ్‌ ఆంటోనీని తెలుగు ప్రేక్షకులు బిచ్చగాడు స్టార్‌ గానే గుర్తు పెట్టుకున్నారు.

విజయ్‌ ఆంటోనీ ఆ తర్వాత పలు సినిమాలు చేసినా కూడా అక్కడ ఇక్కడ ఎక్కడ కూడా కమర్షియల్‌ గా అంతటి బిగ్గెస్ట్‌ సక్సెస్‌ ను దక్కించుకోలేక పోయింది. ప్రస్తుతం బిచ్చగాడు సినిమాకు సీక్వెల్‌ చేసేందుకు విజయ్‌ ఆంటోనీ ఏర్పాట్లు చేస్తున్నాడు. గత రెండు నెలల కాలంగా షూటింగ్స్‌ ఏమీ లేకపోవడంతో పూర్తి సమయంను సీక్వెల్‌ స్క్రిప్ట్‌ కోసం కేటాయించినట్లుగా తెలుస్తోంది. మొదటి పార్ట్‌ కు కొనసాగింపుగా కథను రెడీ చేసినట్లుగా తమిళ సినీ వర్గాల్లో టాక్‌ వినిపిస్తుంది. స్క్రిప్ట్‌ వర్క్‌ పూర్తి చేసిన విజయ్‌ ఆంటోనీ త్వరలో సెట్స్‌ పైకి వెళ్లబోతున్నాడు.

ప్రస్తుతం విజయ్‌ ఆంటోనీ కమిట్‌ అయ్యి ఉన్న ప్రాజెక్ట్స్‌ పూర్తి అయిన వెంటనే ఈ సీక్వెల్‌ ను పట్టాలెక్కించేందుకు ఏర్పాట్లు చేస్తున్నాడు. వచ్చే ఏడాదికి బిచ్చగాడు సీక్వెల్‌ రావడం దాదాపుగా కన్ఫర్మ్‌ అయ్యింది. సినిమాకు సంబంధించిన పూర్తి వివరాలను త్వరలోనే వెళ్లడి చేసే అవకాశం ఉంది. అయితే బిచ్చగాడు చేసిన మ్యాజిక్‌ ను సీక్వెల్‌ చేయగలదా అంటే కష్టమే అనే కామెంట్స్‌ కొందరు చేస్తున్నారు. ఒక వేళ సీక్వెల్‌ సక్సెస్‌ అయితే అద్బుతమే.