విజ‌య్ షాకిచ్చాడా.. క్లారిటీ ఇచ్చాడా?

త‌మిళ స్టార్ హీరో విజ‌య్ న‌టించిన తాజా చిత్రం `బీస్ట్‌` ఒకేసారి తెలుగు, త‌మిళ భాష‌ల్లో విడుద‌లైంది. నెల్స‌న్ దిలీప్ కుమార్ తెర‌కెక్కించిన ఈ చిత్రాన్ని స‌న్ పిక్చ‌ర్స్ బ్యాన‌ర్ పై క‌ళానిధి మార‌న్ అత్యంత భారీ స్థాయిలో నిర్మించారు. పూజా హెగ్డే హీరోయిన్ గా న‌టించిన ఈ చిత్రానికి సంగీత సంచ‌ల‌నం అనిరుధ్ సంగీతం అందించారు. ఇటీవ‌ల విడుద‌లైన ఈ చిత్ర లిరిక‌ల్ వీడియోస్ టాప్ హిట్లుగా నిలిచి సినిమాపై అంచ‌నాల్ని పెంచేశాయి.

అభిమానులు కూడా `మాస్ట‌ర్` వంటి హిట్ సినిమా త‌రువాత విజ‌య్ నుంచి వ‌స్తున్న సినిమా కావ‌డంతో ఈ మూవీపై భారీ అంచ‌నాలు పెట్టుకున్నారు. భారీ నిర్మాణ సంస్థ‌, బ్యాక్ టు బ్యాక్ హిట్ చిత్రాల్ని అందించిన ద‌ర్శ‌కుడు డైరెక్ట‌ర్ కావ‌డంతో బ్లాక్ బ‌స్ట‌ర్ గ్యారెంటీ అని అంతా భావించారు. కానీ ఫలితం తారుమారైంది. ఊహించిన విధంగా సినిమా వుండ‌టంతో విజ‌య్ ఫ్యాన్స్ డైరెక్ట‌ర్ పై ఆగ్ర‌హాన్ని వ్య‌క్తం చేశారు.

ఇంత ప్ర‌తికూల వాతావ‌ర‌ణంలోనూ `బీస్ట్‌` విజ‌య్ క్రేజ్ కార‌ణంగా త‌మిళ‌నాడులో మాత్రం ఫ‌ర‌వాలేద‌నిపించింది. కానీ తెలుగులో మాత్రం భారీ డిజాస్ట‌ర్ గా నిలిచింది. ఈ చిత్రాన్ని దిల్ రాజు తెలుగులో రిలీజ్ చేశారు. ఇదిలా వుంటే ఈ మూవీ త‌రువాత విజ‌య్ తెలుగు, త‌మిళ భాష‌ల్లో బైలింగ్వ‌ల్ మూవీ చేస్తున్నాడంటూ గ‌త కొన్ని రోజులుగా వార్త‌లు షిరాను చేస్తున్న విష‌యం తెలిసిందే. వంశీ పైడిప‌ల్లి డైరెక్ష‌న్ లో దిల్ రాజు ఈ మూవీని నిర్మిస్తున్నారు. ర‌ష్మిక మంద‌న్న క‌థానాయిక‌గా న‌టిస్తోంది.

ఇటీవ‌లే ఈ మూవీని లాంఛ‌నంగా పూజా కార్య‌క్ర‌మాల‌తో చెన్నైలో ప్రారంభించారు. ఈ మూవీ విష‌యంలో గ‌త కొన్ని రోజులుగా జ‌రుగుతున్న ప్ర‌చారానికి తెర‌దించుతూ విజ‌య్ క్లారిటీ ఇచ్చారు. ఇది కేవ‌లం త‌మిళ సినిమా మాత్ర‌మేన‌ని, బైలింగ్వ‌ల్ కాద‌ని స్ప‌ష్టం చేశాడు. తెలుగు ద‌ర్శ‌కుడు, తెలుగు నిర్మాత త‌మిళ సినిమా చేయ‌డానికి ముందుకొచ్చార‌ని క్లారిటీ ఇచ్చారు. అంతే కాకుండా ఈ మూవీ తెలుగు, హిందీతో పాటు ప‌లు భాష‌ల్లో పాన్ ఇండియా వైడ్ గా విడుద‌ల కానుంద‌ని తెలిపాడు. అయితే విజ‌య్ ఈ మాట‌లు అంది `బీస్ట్‌` రిలీజ్ కు ముందు.

ఆ విష‌యం తెలియ‌కుండా తెలుగు నిర్మాత జాగ్ర‌త్త‌పడ‌టం వ‌ల్లే విజ‌య్ సినిమాకు మంచి వ‌సూళ్లు ద‌క్కాయ‌ని అంతా అంటున్నారు. విజ‌య్ ఇచ్చిన స్టేట్ మెంట్ పై ద‌ర్శ‌కుడు వంశీ పైడిప‌ల్లి కానీ, దిల్ రాజు కానీ క్లారిటీ ఇస్తారా? లేక విజ‌య్ సినిమా బై లింగ్వ‌లే అని మ‌ళ్లీ ప్ర‌చారం మొదలుపెడ‌తారా? అన్న‌ది తెలియాల్సి వుంది. యాక్ష‌న్ డ్రామాగా రూపొందుతున్న ఈ చిత్రంలో శ‌ర‌త్ కుమార్‌, ప్ర‌కాష్ రాజ్ కీల‌క పాత్ర‌ల్లో న‌టిస్తున్నారు.