ఇక్కడ ప్లాప్ అయినా 'వరల్డ్ ఫేమస్ లవర్' అక్కడ నెగ్గిందిగా..!

టాలీవుడ్ యువహీరో విజయ్ దేవరకొండ ఈ ఏడాది లైగర్ సినిమాతో పాన్ ఇండియా వైడ్ క్రేజ్ పొందేందుకు రెడీ అయ్యాడు. ఇప్పటికే శరవేగంగా జరుపుకుంటున్న లైగర్ సినిమా షూటింగ్ త్వరలోనే పూర్తి కాబోతుందట. అలాగే లైగర్ హిందీ వెర్షన్ కూడా విజయ్ సొంతంగా డబ్బింగ్ చెప్పుకుంటానని తెలిపాడు. నిజానికి బాలీవుడ్ ఇండస్ట్రీలోకి వేరే ఏ భాషల నుండి వచ్చే హీరోలకు పెద్ద సవాల్ హిందీ మాట్లాడటం. ఇదిలా ఉండగా.. తాజాగా విజయ్ డబ్బింగ్ సినిమా ఆన్లైన్ లో అరుదైన రికార్డు సృష్టించింది. అదికూడా ఓ ప్లాప్ సినిమా కావడం విశేషం. గతేడాది విజయ్ నటించిన వరల్డ్ ఫేమస్ లవర్ మూవీ బాక్సాఫీస్ వద్ద ఘోరంగా విఫలం అయిన సంగతి తెలిసిందే. ఆ సినిమా హిందీలో డబ్ అవ్వడంతో యూట్యూబ్ లో రిలీజ్ అయింది.

అయితే ఇప్పుడు ఆ సినిమా వంద మిలియన్స్ వ్యూస్ పొంది రికార్డు బ్రేక్ చేసింది. ఈ విధంగా చూస్తే విజయ్ కి ఉత్తర భారతంలో ఫ్యాన్ ఫాలోయింగ్ ఎలా ఉందో అర్ధమవుతుంది. వంద మిలియన్స్ మార్క్ చేరడం అంటే మాములు విషయం కాదు. దాదాపు పదికోట్లు జనాలు వరల్డ్ ఫేమస్ లవర్ మూవీని వీక్షించారు. ఇప్పటికే విజయ్ ఇంస్టాగ్రామ్ లో కూడా పదకొండు మిలియన్స్ ఫాలోయింగ్ సొంతం చేసుకున్నాడు. ఇవేగాక విజయ్ నటించిన అర్జున్ రెడ్డి, గీతగోవిందం, డియర్ కామ్రేడ్ సినిమాలు కూడా యూట్యూబ్ లో మంచి వ్యూస్ సంపాదించుకున్నాయి. ఇవన్నీ చూస్తుంటే విజయ్ లైగర్ సినిమాకు బాగానే సపోర్ట్ దొరికేలా ఉందని అంటున్నాయి సినీవర్గాలు. ఇక ప్రస్తుతం నటిస్తున్న లైగర్ సినిమా సెప్టెంబర్ 9న ప్రేక్షకుల ముందుకు రాబోతుంది. ఈ సినిమాను పూరీ జగన్నాథ్ డైరెక్ట్ చేస్తుండగా అనన్య పాండే హీరోయిన్ గా నటిస్తోంది.