సుకుమార్‌ కంటే ముందు మూడింటితో 'లైగర్‌'

రౌడీ స్టార్ విజయ్ దేవరకొండ ప్రస్తుతం 'లైగర్‌' సినిమాను పూరి జగన్నాధ్ దర్శకత్వంలో చేస్తున్న విషయం తెల్సిందే. గత ఏడాది పూర్తి అయ్యి విడుదల అవ్వాల్సిన లైగర్‌ సినిమా కరోనా వల్ల ఈ ఏడాదైనా విడుదల అయ్యేనా అంటే అనుమానమే అన్నట్లుగా ఉంది. లైగర్ సినిమా తర్వాత శివ నిర్వాన దర్శకత్వంలో ఒక సినిమాను సుకుమార్‌ దర్శకత్వంలో మరో సినిమా ను విజయ్ దేవరకొండ చేయాల్సి ఉంది. కాని కరోనా మొత్తం ప్లాన్స్ ను తలకిందులు చేసినట్లుగా ఉన్నాయి. సుకుమార్‌ తో విజయ్ దేవరకొండ సినిమా ఆలస్యం అయ్యేలా కనిపిస్తుంది. పుష్ప రెండు పార్ట్‌ లను పూర్తి చేసేందుకు సుకుమార్‌ వచ్చే ఏడాది చివరి వరకు సమయం కేటాయించాల్సి రావచ్చట. అందుకే విజయ్ దేవరకొండ మరో కొత్త సినిమాకు ఓకే చెప్పాడనే వార్తలు వస్తున్నాయి.

పరిస్థితులు చక్కబడితే లైగర్ సినిమా రెండు నెలల వర్కింగ్ డేస్‌ తో పూర్తి అయ్యే అవకాశం ఉంది. ఇక శివ నిర్వాన దర్శకత్వంలో సినిమా నాలుగు అయిదు నెలల సమయం కంటే తక్కువ సమయంలోనే పూర్తి చేస్తారట. ఈ సమయంలోనే మరో దర్శకుడికి రౌడీ స్టార్ గ్రీన్‌ సిగ్నల్‌ ఇచ్చాడనే వార్తలు వస్తున్నాయి. వచ్చే ఏడాది ఆరంభంలో ఆ సినిమా పట్టాలెక్కేలా ప్లాన్‌ చేశారు. కరోనా వల్ల దాదాపు అందరు యంగ్‌ హీరోలు దాదాపుగా రెండేళ్ల సమయంను కోల్పోవాల్సి వచ్చింది. ఈ గ్యాప్‌ ను రాబోయే కాలంలో బ్యాక్ టు బ్యాక్ సినిమాలు చేసి ఫిల్‌ చేయాలనే ఉద్దేశ్యంతో రెండు మూడు అంతకు మించి సినిమా లను కమిట్ అవుతున్నారు.

విజయ్ దేవరకొండ తో సుకుమార్‌ సినిమా క్యాన్సిల్‌ అయ్యిందని ఆ మద్య వార్తలు వచ్చాయి. కాని ఆ వార్తలు నిజం కాదని పుష్ప తర్వాత సుకుమార్‌ చేయబోతున్న సినిమా రౌడీ స్టార్‌ తోనే అంటూ క్లారిటీ ఇచ్చారు. అయితే సుకుమార్‌ తో సినిమా కంటే ముందు విజయ్ దేవరకొండ లైగర్ తో సహా మూడు సినిమా లను చేయబోతున్నాడు. ఆ మూడు సినిమాల తర్వాత సుకుమార్‌.. విజయ్ దేవరకొండల కాంబో మూవీ పట్టాలెక్కే అవకాశం ఉందని ఇండస్ట్రీ వర్గాల ద్వారా సమాచారం అందుతోంది.