డియర్ కామ్రేడ్.. డేట్ వచ్చేసిందోచ్

టాలీవుడ్లో భారీ బడ్జెట్ ప్రాజెక్టులు.. ప్యాన్ ఇండియాను టార్గెట్ చేసే సినిమాలు చాలానే సెట్స్ మీద ఉన్నాయి కానీ అవన్నీ ఒక తీరు.. 'డియర్ కామ్రేడ్' ఇంకో తీరు. ఆ పెద్ద ప్రాజెక్టులకు ఉన్నంత బడ్జెట్ దీనికి లేదు.. అంత పెద్ద స్టారూ కాదు. కానీ విజయ్ దేవరకొండ రైజింగ్ స్టార్ కావడంతో యూత్ దృష్టంతా 'డియర్ కామ్రేడ్' పైనే ఉంది. విజయ్ 'నోటా' తో నిరాశపరిచినా 'టాక్సీవాలా' తో మళ్ళీ హిట్ సాధించడంతో ఈ సినిమా ఎలా ఉంటుందోనని అందరూ ఆసక్తిగా ఎదురు చూస్తున్నారు.

తాజా సమాచారం ప్రకారం 'డియర్ కామ్రేడ్' సినిమా రిలీజ్ డేట్ ను లాక్ చేశారు. నిర్మాతలైన మైత్రీ మూవీ మేకర్స్ వారిని మే 22 న 'డియర్ కామ్రేడ్' ను రిలీజ్ చేద్దామని విజయ్ దేవరకొండ సూచించాడని సమాచారం. దీంతో ప్రేక్షకుల ముందుకు తీసుకొచ్చేందుకు మైత్రీ వారు డిసైడ్ అయ్యారట. సినిమా రఫ్ కట్ విజయ్ ఒకసారి చూసి ఓకే అనుకున్న విడుదల తేదీని తర్వాత అధికారికంగా ప్రకటిస్తాడట.

కాకినాడ నేపథ్యంలో తెరకెక్కిన ఈ సినిమాలో విజయ్ దేవరకొండ ఒక స్టూడెంట్ లీడర్ పాత్రలో నటిస్తున్నాడు. ఈ సినిమాలో హీరోయిన్ రష్మిక మందన్న. డెబ్యూ దర్శకుడు భరత్ కమ్మ దర్శకత్వంలో ఈ సినిమా తెరకెక్కుతోంది. సినిమా షూటింగ్ అంతా దాదాపుగా కంప్లీట్ అయిందట. పోస్ట్ ప్రొడక్షన్ జోరుగా సాగుతోందని సమాచారం. మైత్రీ మూవీ మేకర్స్ బ్యానర్ లాస్ట్ రెండు సినిమాలు నిరాశపరిచాయి.. మరి ఈ సినిమాతో మళ్ళీ సక్సెస్ ట్రాక్ లో కి వస్తుందో లేదో వేచి చూడాలి.