హేమంత్‌ మృతితో విజయ్ దేవరకొండ ఎమోషన్‌

రౌడీ స్టార్‌ విజయ్ దేవరకొండ అభిమాని హేమంత్ మృతి తో ఎమోషనల్‌ అయ్యాడు. తన వీరాభిమాని అయిన హేమంత్‌ అనారోగ్యంతో బాధపడుతున్న విషయం తెలిసి ఇటీవలే విజయ్ దేవరకొండ ఆయనతో వీడియో కాల్‌ మాట్లాడాడు. ఆ సమయంలో హేమంత్‌ చాలా సంతోషం వ్యక్తం చేశాడు. నీతో మాట్లాడిన తర్వాత నాకు చాలా సంతోషంగా ఉంది.. ఎలాంటి ఆందోళన నాకు లేదు అంటూ చెప్పుకొచ్చాడు. ఆ సమయంలో హేమంత్‌ కళ్లలో ఆనందం చూసి విజయ్ దేవరకొండ కూడా సంతోషం వ్యక్తం చేశాడు.

ఆరోగ్యం క్షీణించంతో హేమంత్ మృతి చెందాడు. దాంతో విజయ్ దేవరకొండ ట్విట్టర్ ద్వారా తన బాధను షేర్‌ చేసుకున్నాడు. ఐ మిస్ యు హేమంత్‌... నీతో మాట్లాడటం నాకు ఆనందంను కలిగించింది... ఆ సమయంలో నీ నవ్వు చూసి మరియు నీ ప్రేమ చూసి గొప్పగా అనిపించింది. కాని ఇప్పుడు మాత్రం నా కళ్లలో నీళ్లు వస్తున్నాయి. నీవు లేని విషయం చాలా బాధగా ఉంది. హేమంత్ నాతో కాంటాక్ట్ అయ్యేలా సాయ పడ్డ ప్రతి ఒక్కరికి కృతజ్ఞతలు అంటూ ట్వీట్‌ చేశాడు. హేమంత్‌ తో విజయ్ దేవరకొండ ఇంతకు ముందు మాట్లాడిన ఫొటోను కూడా విజయ్‌ దేవరకొండ షేర్‌ చేశాడు.

గతంలో హేమంత్‌ వీడియో కాల్‌ లో విజయ్ దేవరకొండతో మాట్లాడుతూ రౌడీ వేర్‌ టీషర్ట్‌ కావాలని అడిగిన వెంటనే పంపించాడు. కరోనా పరిస్థితులు కుదుట పడ్డ తర్వాత ఖచ్చితంగా కలుద్దాం అంటూ ఆ సమయంలో విజయ్ దేవరకొండ మాట ఇచ్చాడు. కాని హేమంత్‌ అనారోగ్యంతో మృతి చెందడంతో విజయ్‌ దేవరకొండతో పాటు ఆయన అభిమానులు అంతా కూడా ఆవేదన వ్యక్తం చేస్తున్నారు.