విజయ్ దేవరకొండ రూటే వేరు

పట్టుమని పది సినిమాలు దాటకుండానే రెండు ఇండస్ట్రీ హిట్స్ ఖాతాలో వేసుకుని జెట్ స్పీడ్ తో దూసుకుపోతున్న విజయ్ దేవరకొండకు యూత్ లో ఫాలోయింగ్ మామూలుది కాదు. కంటెంట్ బాగుంటే బ్లాక్ బస్టర్ యావరేజ్ ఉంటే సూపర్ హిట్ ఇలా మినిమం గ్యారెంటీ తో మార్కెట్ లో దూసుకుపోతున్నాడు. దీపం ఉండగానే ఇల్లు చక్కదిద్దుకోవాలి అనే కాన్సెప్ట్ తో ఒకపక్క కెరీర్ సెట్ చేసుకుంటూనే మరోవైపు రౌడీ బ్రాండ్ ను ప్రమోట్ చేసుకుంటున్నాడు. ఇదిలా ఉండగా గతంలోనే కింగ్ అఫ్ ది హిల్ పేరుతో ప్రొడక్షన్ హౌస్ అనౌన్స్ చేసిన విజయ్ దేవరకొండ ఇప్పుడు సినిమా నిర్మాణాన్ని సీరియస్ గా తీసుకోబోతున్నాడు.

షామిర్ అనే డెబ్యు డైరెక్టర్ తో మొదటి ప్రాజెక్ట్ ని లాంచ్ చేయబోతున్నాడు. ఇందులో ప్రత్యేకమైన విశేషాలున్నాయి. పెళ్లి చూపులుతో తనకు ఇండస్ట్రీలో పెద్ద బ్రేక్ ఇచ్చిన దర్శకుడు తరుణ్ భాస్కర్ ని ఇందులో మెయిన్ నెగటివ్ రోల్ కి తీసుకున్నారట. అంతే కాదు అతనికి జోడిగా యాంకర్ అనసూయ కనిపించనున్నట్టు సమాచారం. కీలకమైన ఈ పాత్రల కోసం దర్శకుడు చాలా హోం వర్క్ చేసాడని తెలిసింది.

మంచి యూత్ ఫుల్ ఎంటర్ టైనర్ గా ఉండే ఈ మూవీలో చాలా ఆసక్తికరమైన మలుపులు ఉంటాయట. విజయ్ ని మెప్పించాడంటే షామీర్ లో ఏదో విషయం ఉండే ఉంటుంది. కొత్త దర్శకులతో ప్రయోగాలకు రెడీ అంటున్న విజయ్ దేవరకోడ తన స్వంత సంస్థకు సైతం అదే ఫార్ములా అప్లై చేసి ఎక్స్ పరిమెంట్స్ కు సిద్ధపడటం విశేషం.