ప్ర‌భాస్.. హృతిక్ నే వెన‌క్కి నెట్టాడు!

సెన్సేష‌న‌ల్ యంగ్ హీరో అంటూ విజయ్ దేవ‌ర‌కొండ‌ను మీడియా ఆకాశానికెత్తేస్తోంది. పెళ్లి చూపులు.. అర్జున్ రెడ్డి.. గీత గోవిందం.. ట్యాక్సీ వాలా చిత్రాల‌తో యూత్ కి ఎంతో ద‌గ్గ‌ర‌గా చేరువైన హీరోగా దేవ‌ర‌కొండ పేరు మార్మోగిపోతోంది. ప్ర‌స్తుతం అత‌డు న‌టించిన `డియ‌ర్ కామ్రేడ్` రిలీజ్ కి రెడీ అవుతోంది. ఈలోగానే ఒక శుభ‌వార్త అందింది. విజ‌య్ కీర్తి కిరీటంలో మ‌రో మైలు రాయి చేరింది.

ప్ర‌స్తుతం ఉన్న స్టార్ల‌లో డార్లింగ్ ప్ర‌భాస్.. బాలీవుడ్ స్టార్ హీరో హృతిక్ రోష‌న్.. భ‌ళ్లాల‌దేవ‌ రానా వంటి స్టార్ల‌కు యువ‌త‌రంలో ఉన్న ఫాలోయింగ్ తెలిసిందే. అయితే వీళ్లంద‌రినీ వెన‌క్కి నెట్టి విజ‌య్ దేవ‌ర‌కొండ అలియాస్ రౌడీ కొండ టైమ్స్ జాబితాలో టాప్ 4 ర్యాంకింగ్ కి చేర‌డం సంచ‌ల‌న‌మైంది. దేవ‌ర‌కొండ ఎదురేలేని హ‌వాకి ఇది సింబాలిక్ అని భావించ‌వ‌చ్చు. టైమ్స్ జాబితాలో ఎవ‌రి స్థానం ఏంటి? అన్న‌ది ప‌రిశీలిస్తే ఆస‌క్తిక‌రం.

టైమ్స్ మోస్ట్ డిజైర‌బుల్ మేన్ 2018 టాప్ 50 జాబితాలో పేర్ల‌ను పరిశీలిస్తే... విక్కీ కౌశ‌ల్ నంబ‌ర్ 1 స్థానంలో నిల‌వ‌గా.. ఆ త‌ర్వాత ఫుట్ బాల్ ఆట‌గాడు ప్ర‌త‌మేష్ మౌలింగ్క‌ర్ రెండో ర్యాంక్ అందుకున్నారు. బాలీవుడ్ న‌టుడు ర‌ణ‌వీర్ సింగ్ మూడో ర్యాంక్ ద‌క్కించుకోగా.. నాలుగో ర్యాంక్ దేవ‌ర‌కొండ‌కు ద‌క్కింది. ఈ జాబితాలో ప్ర‌భాస్ పేరు 12వ స్థానంలో నిల‌వ‌గా.. రానా పేరు 19వ స్థానంలో నిలిచింది. క‌న్న‌డ రాకింగ్ స్టార్ .. కేజీఎఫ్ ఫేం య‌శ్ 14 వ స్థానంలో నిలిచారు. టీమిండియా కెప్టెన్ విరాట్ కోహ్లీ ఐదో స్థానంలో.. విద్యుత్ జ‌మ్వాల్ 6వ స్థానం.. దుల్కార్ స‌ల్మాన్ 9వ స్థానంలో నిలిచారు. సిద్ధార్థ్ మ‌ల్హోత్రా 10వ స్థానం.. ర‌ణ‌బీర్ క‌పూర్ 11వ స్థానం.. టైగ‌ర్ ష్రాఫ్ 15వ స్థానం.. షాహిద్ క‌పూర్ -16.. జాన్ అబ్ర‌హాం 17.. ధ‌నుష్ 43 స్థానాల్లో నిలిచారు.

వీళ్ల‌తో పాటు ఫ‌రెవ‌ర్ డిజైర‌బుల్ స్థానంలో స‌ల్మాన్.. షారూక్.. అమీర్.. అక్ష‌య్ వంటి స్టార్ల‌తో పాటు మ‌హేష్ పేరు అగ్ర ప‌థంలో నిలిచింది.