నవ్వినం, ఏడ్చినం.. దేవరకొండ న్యూ ఇయర్ క్లిక్! 

టాలీవుడ్ రౌడీ స్టార్ విజయ్ దేవరకొండ 2022 లో లైగర్ సినిమాతో ఎలాగైనా బాక్స్ ఆఫీస్ వద్ద భారీ విజయాన్ని అందుకోవాలని అనుకున్నాడు. పూరి జగన్నాథ్ దర్శకత్వంలో తీసుకువచ్చిన ఆ సినిమా తప్పకుండా సక్సెస్ అవుతుంది అని అందరూ అనుకున్నారు. కానీ సినిమా అంచనాలను తలకిందులు చేస్తూ ఊహించని విధంగా డిజాస్టర్ టాక్ సొంతం చేసుకుంది.

ఆ సినిమా ప్లాప్ కావడమే కాకుండా కొన్ని ఇబ్బందులను కూడా తీసుకువచ్చింది. విజయ్ దేవరకొండ కూడా సినిమాకు సంబంధించిన కొన్ని ఆర్థిక నేరారోపణల విషయంలో విచారణలో పాల్గొనాల్సి వచ్చింది. ఇక మొత్తానికి వివాదం నుంచి బయటికి వచ్చిన రౌడీ స్టార్ ప్రస్తుతం తన తదుపరి సినిమాల విషయంలో బిజీగా ఉన్నాడు.

అయితే న్యూ ఇయర్ సందర్భంగా చిల్ అవుతూ ఎంజాయ్ చేస్తున్న ఈ హీరో ఒక ఫోటోని పోస్ట్ చేస్తూ మంచి న్యూ ఇయర్ విషెస్ కూడా చెప్పాడు. చేతిలో శంపైన్ బాటిల్ పట్టుకుని విజయ్ దేవరకొండ ఫోటోకు స్టిల్ కూడా ఇచ్చాడు. అయితే ఒక ఏడాదిలో మనం ఎన్నో అనుభవాలను ఎదుర్కొంటాం చాలాసార్లు గట్టిగా నవ్విన సందర్భాలు ఉన్నాయి .అలాగే చిన్నగా ఏడ్చిన సందర్భాలు కూడా ఉన్నాయి. ఏదేమైనా కూడా గోల్స్ అందుకోవడంలో మాత్రం వెనక్కి తగ్గలేదు.

కొన్ని విజయాలు ఉన్నాయి కొన్ని అపజయాలు ఉన్నాయి ప్రతి ఒక్కదాన్ని మనం సెలబ్రేట్ చేసుకోవాలి. ఎందుకంటే ఇది జీవితం.. అంటూ విజయ్ దేవరకొండ హ్యాపీ న్యూ ఇయర్ విషెస్ అందించాడు. అంతేకాకుండా ఈ సంవత్సరం చాలా గొప్పగా ఉండాలి అని కూడా అతను కోరుకున్నాడు. ఇక ప్రస్తుతం విజయ్ దేవరకొండ శివా నిర్వణ దర్శకత్వంలో ఖుషి అనే సినిమాను పూర్తి చేయడానికి రెడీ అవుతున్న విషయం తెలిసిందే. ఆ సినిమాలో సమంత హీరోయిన్ గా నటిస్తోంది.