ఎన్టీఆర్‌ ఫ్యాన్స్ ని ఒక్క మాటతో పడేసిన 'లైగర్‌'

విజయ్ దేవరకొండ లైగర్ సినిమా విడుదలకు సిద్ధం అయ్యింది. ఈ సమయంలో విజయ్ దేవరకొండ ఏ మాట మాట్లాడినా కూడా అది లైగర్‌ సినిమా పై ప్రభావం చూపిస్తుంది అనడంలో ఎలాంటి సందేహం లేదు.

ఆయన ప్రమోషన్ సమయంలో చాలా యాక్టివ్ గా ఉంటున్నాడు. మీడియాతో మాట్లాడిన సమయంలో యాటిట్యూడ్‌ చూపించాడు అంటూ కొందరు విమర్శించినా కూడా తన పద్దతి ప్రకారంగా సినిమా ప్రమోషన్‌ లో విజయ్ దేవరకొండ పాల్గొన్నాడు.

తాజాగా విజయ్ దేవరకొండ ఒక ఇంటర్వ్యూలో మాట్లాడుతూ ఎన్టీఆర్‌ కి ఆస్కార్‌ అవార్డ్‌ వస్తే అంతకంటే ఆనందమైన విషయం ఇంకేముంది అన్నాడు. ఎన్టీఆర్‌ అన్న మరియు రామ్‌ చరణ్‌ అన్న ఇద్దరు కూడా అద్భుతంగా సినిమా లో నటించారు. ఇద్దరు కూడా సినిమా లో ది బెస్ట్‌ ఇచ్చారు. కనుక వారిద్దరు కూడా ఆస్కార్ కి అర్హులు అన్నట్లుగా రౌడీ స్టార్ చెప్పుకొచ్చాడు.

ఎన్టీఆర్‌ అన్న చాలా ఈజీగా అయిదు ఆరు భాషలను మాట్లాడగలడు. అలాంటి వ్యక్తి నటనకు మంచి గుర్తింపు రావాల్సిన అవసరం ఉందని విజయ్‌ దేవరకొండ పేర్కొన్నాడు.

తనను తాను భాష లో చాలా వీక్ అన్నట్లుగా పేర్కొన్న విజయ్ దేవరకొండ నటన మరియు ఇతర విషయాల్లో ఎన్టీఆర్‌ ని ఆకాశానికి ఎత్తేలా మాట్లాడి ఎన్టీఆర్ అభిమానుల యొక్క అభిమానం ను దక్కించుకున్నాడు.

ఎన్టీఆర్‌ అభిమానులు లైగర్‌ సినిమా కు మద్దతు తెలిపితే తప్పకుండా మంచి వసూళ్లు నమోదు అవ్వడం ఖాయం. ఎన్టీఆర్ అభిమానుల మనసు గెలుచుకున్నట్లుగా మాట్లాడాడు కనుక ముందు ముందు మంచి సపోర్ట్‌ ఉంటుందని అభిప్రాయం వ్యక్తం అవుతోంది. ఎన్టీఆర్‌ తో పాటు మెగా ఫ్యాన్స్ అభిమానుల యొక్క మద్దతు కూడా లైగర్ కి ఉన్నట్లే అంటూ సోషల్‌ మీడియాలో చర్చ జరుగుతోంది.