వచ్చే ఏడాదికి ఫ్యాన్స్ కు రౌడీగారి మెసేజ్ ఇదే

ఒక్కో ఏడాది ఒక్కో హీరోకు ఫుల్ గా కలిసొస్తుంది.. అలా చూసుకుంటే 2018 విజయ్ దేవరకొండకు మరపురాని సంవత్సరం అనే చెప్పాలి. 2017 లో 'అర్జున్ రెడ్డి' తో సెన్సేషన్ సృష్టించి యూత్ లో క్రేజీ హీరోగా మారినప్పటికీ 2018 లో రిలీజ్ అయిన 'గీత గోవిందం' మాత్రం అన్నీ వర్గాల ప్రేక్షకులకు దగ్గర చేసింది. ఇక 'నోటా' తో ఫెయిల్యూర్ ఎదుర్కొన్నా మళ్ళీ 'టాక్సీవాలా' విజయంతో తన సత్తా చాటాడు విజయ్. 'టాక్సీవాలా' సక్సెస్ తన స్టార్డమ్ ను విజయ్ ప్రూవ్ చేసుకున్నాడు.

మరి 2019 కి గానూ విజయ్ దేవరకొండ ఫ్యాన్స్ ను ఎలా సర్ప్రైజ్ చేస్తున్నాడు? ఫస్ట్ నుంచి విజయ్ ఎంచుకునే స్క్రిప్టులను చూస్తే ఒక విషయం అర్థం అవుతుంది. ఒకదానికి మరో సినిమాతో సంబంధం ఉండదు. విజయ్ ఫ్యూచర్ ప్రాజెక్టులు కూడా అలాంటివే. అందుకే ఫ్యాన్స్ ను కూల్ గా కూర్చ్ని తన సినిమాలను ఎంజాయ్ చేయమంటున్నాడు. టాలీవుడ్ లో ఇప్పటివరకూ ఎవరూ చేయనివన్నీ చేసి ప్రేక్షకులను మెప్పించడమే తన పంథా అని చెప్తున్నాడు. ఇదే తన ఫ్యాన్స్ కు ఇచ్చే బెస్ట్ గిఫ్ట్ అదే అంటున్నాడు.

విజయ్ దేవరకొండ ప్రస్తుతం భరత్ కమ్మ దర్శకత్వంలో 'డియర్ కామ్రేడ్' సినిమాలో నటిస్తున్నాడు. మైత్రీ మూవీ మేకర్స్ బ్యానర్ లో తెరకెక్కుతున్న ఈ సినిమాలో విజయ్ స్టూడెంట్ లీడర్ పాత్రలో నటిస్తున్నాడు. ఈ సినిమాపై ప్రేక్షకులతో పాటుగా ట్రేడ్ వర్గాలలో కూడా భారీ అంచనాలు ఉన్నాయి.