అర్జున్ రెడ్డి దెబ్బకి అటక నుండి దిగాయ్

టాలెంట్ కన్నా ముందు బ్యాక్ గ్రౌండ్ చూసే సంస్కృతి ఇంకా మన సినిమా ఇండస్ట్రీలో కొనసాగుతూనే ఉంది. అయితే చాలా మంది సినిమా హీరోలు అలాంటి వారిని దాటి వచ్చిన వారే. ఒకప్పుడు సినిమాలో క్యారెక్టర్ ఆర్టిస్ట్ గా చేసిన విజయ్ దేవరకొండ అవకాశాల కోసం ఎంతగా తిరిగాడో బయట ప్రపంచానికి ఎక్కువగా తెలియదు. అవకాశాలు వచ్చిన్నట్టే వచ్చి చేజారిపోయేవి. అయినా సరే మనోడు పట్టు వదలకుండా ప్రయత్నించి మంచి సక్సెస్ ను అందుకున్నాడు.

అయితే పెళ్లి చూపులు హిట్ అయ్యాక అంతకుముందు విజయ్ చేసిన 'ద్వారక' అనే సినిమా రిలీజ్ అయ్యింది. ఇక అర్జున్ రెడ్డి కంటే ముందు చేసిన ఒక సినిమా మద్యలోనే ఆగిపోయింది. కానీ అర్జున్ రెడ్డి ఇచ్చిన కిక్ తో ఆగిపోయిన సినిమాను మళ్లీ కదిలిస్తున్నారు. ఆ సినిమా పేరే ఏ మంత్రం వేసావే. ఫస్ట్ లుక్స్ పోస్టర్స్ లాంటివి వదులుతూ సినిమాపై హైప్ క్రియేట్ చేసే ప్రయత్నం చేస్తున్నారు. అయితే విజయ్ మాత్రం అలాంటి సినిమాల ప్రమోషన్స్ లలో ఎక్కువగా పాల్గొనడం లేదు. ఎందుకో గాని తనకి నచ్చలేక వాటివైపు కూడా చుడటం లేదు. విజయ్ కేవలం ప్రమోషన్స్ తోనే అర్జున్ రెడ్డికి ఓ రేంజ్ లో హైప్ ని క్రియేట్ చేశాడు. అతనిలో ఆ సత్తా ఉంది. కానీ ఇప్పుడు ఈ సినిమాకు మాత్రం చేయడం లేదు అంటే రీజన్ ఏంటో అతనే చెప్పాలి.

ఇక ఈ సినిమాకు అబ్దుస్ సమద్ సంగీతం అందించగా శ్రీధర్ మర్రి దర్శకత్వం వహించాడు. త్వరలో సినిమా ఆడియో రిలీజ్ చేయడానికి ప్లాన్ చేస్తున్నట్లు తెలుస్తోంది. ఇకపోతే ఈ సినిమా కాకుండా ఇక అర్జున్ రెడ్డి దెబ్బకి ఇంకెన్ని విజయ్ దేవరకొండ సినిమాలు అటక నుండి క్రిందకు దిగుతాయో చూడాలి.