బుల్లి తెరపై నన్ను నేను చూసుకోలేను

టాలీవుడ్‌ సెన్షేషన్‌ స్టార్‌ విజయ్‌ దేవరకొండ తాజాగా ముంబయిలో జరిగిన ఒక ప్రైవేట్‌ కార్యక్రమంలో పాల్గొన్నాడు. ఆ కార్యక్రమంలో పలువురు బాలీవుడ్‌ స్టార్స్‌ కూడా పాల్గొన్నారు. బాలీవుడ్‌ స్టార్స్‌ మద్యలో కూడా విజయ్‌ దేవరకొండ ప్రత్యేక ఆకర్షణగా, స్టైలిష్‌ లుక్‌ తో ప్రత్యేకంగా నిలిచాడు. విభిన్నమైన బాడీలాంగ్వేజ్‌ తో వెండి తెరపై ఒక్కసారిగా సూపర్‌ స్టార్‌ గా మారిపోయిన విజయ్‌ దేవరకొండ ను వెబ్‌ సిరీస్‌ లో నటించే ఆసక్తి ఉందా అంటూ జర్నలిస్ట్‌ ప్రశ్నించిన సమయంలో ఆసక్తికర సమాధానం చెప్పాడు.

తనను తాను బుల్లి తెరపై చూసుకోవాలనుకోవడం లేదు, వెండి తెరపై కనిపించి అభిమానులను అలరించాలనే నా కోరిక, వెబ్‌ సిరీస్‌ లో నటించి, బుల్లి తెరకు నేను పరిమితం అవ్వాలనుకోవడం లేదు అంటూ సమాధానం ఇచ్చాడు. ఎంతో మంది స్టార్స్‌ ఈమద్య కాలంలో వెబ్‌ సిరీస్‌ ల వెంట పడుతున్నా కూడా విజయ్‌ దేవరకొండ మాత్రం ఆసక్తి లేదు అంటూ తేల్చి పారేశాడు. అయితే భవిష్యత్తులో వెబ్‌ సిరీస్‌ లను నిర్మించే ఆలోచన మాత్రం ఉందని పేర్కొన్నాడు.

వెబ్‌ సిరీస్‌ లకు మంచి భవిష్యత్తు ఉందని చెబుతూనే బుల్లి తెరపై తనను తాను చూసుకోవాలని భావించడం లేదు అంటూ విజయ్‌ దేవరకొండ చేసిన వ్యాఖ్యలు చర్చనీయాంశం అయ్యాయి. ప్రస్తుతం ఉన్న ఆయన అభిప్రాయంను తప్పకుండా భవిష్యత్తులో మార్చుకుంటాడని వెబ్‌ సిరీస్‌ మేకర్స్‌ అభిప్రాయం వ్యక్తం చేస్తున్నారు.