ఆ సినిమా చూడనంటున్న విజయ్ దేవరకొండ!

బాలీవుడ్ లో కబీర్ సింగ్ వీర విహారం కొనసాగుతోంది. విమర్శకుల అంచనాలు తలకిందులు చేస్తూ 2019లోనే టాప్ గ్రాసర్ గా నిలిచే దిశగా పరుగులు పెడుతోంది. ఏకంగా సల్మాన్ ఖాన్ అజయ్ దేవగన్ లాంటి స్టార్ హీరోల రికార్డులకే ఎసరు పెడుతోంది. ఇదిలా ఉండగా దీని ఒరిజినల్ వెర్షన్ హీరో విజయ్ దేవరకొండ ఇప్పటిదాకా కబీర్ సింగ్ చూడనేలేదు. సరే ఏదో డియర్ కామ్రేడ్ పనులు ఇతర షూటింగ్ వ్యవహారాల్లో బిజీగా ఉన్నాడు కదా రేపో ఎల్లుండో చూస్తాడని అనుకున్నారు అభిమానులు.

కానీ అదేమీ లేదని తేల్చి చెప్పేశాడు విజయ్. ఆల్రెడీ తాను చేసిన కథను చూసిన సినిమాను మళ్ళీ ఇంకోసారి చూడాల్సిన అవసరం లేదని కుండబద్దలు కొట్టాడు. డియర్ కామ్రేడ్ ప్రమోషన్ లో భాగంగా మీడియా అడిగిన ప్రశ్నకు విజయ్ ఈ విధంగా బదులిచ్చేశాడు. సందీప్ రెడ్డి వంగా తనకు బెస్ట్ ఫ్రెండని ఆ కారణంగా ఇది మంచి విజయం సాధించాలని కోరుకుంటే ఏకంగా బ్లాక్ బస్టర్ కావడం సంతోషంగా ఉందని క్లారిటీ ఇచ్చాడు.

ఇక దీని గురించి నో క్వశ్చన్స్ నో మోర్ డిస్కషన్స్ అంటూ అక్కడితోనే బ్రేక్ వేయడం గమనార్హం. ఓ మూడు గంటలు ఖర్చు పెట్టుకుని చూసేదానికి విజయ్ ఇంత లోతుగా ఎందుకు ఆలోచించాడు అనే సందేహం రావొచ్చు కానీ సందీప్ అయినా ఓసారి చూడమని ఆడకుండా ఉంటాడా అనే డౌట్ కూడా వస్తోంది కదూ. ఏమైతేనేం చూడను అని చెప్పేశాడు కాబట్టి ఇక దీని గురించి ప్రశ్నించడం కూడా వర్క్ అవుట్ కాదిక