బుట్టలో వేసుకుంటున్న అర్జున్ రెడ్డి

ఈ రోజుల్లో సినిమా కంటెంట్ ఆడియెన్స్ కి కనెక్ట్ అయితే చాలు స్టార్స్ ఎవరున్నారు అని కూడా చూడకుండా సినిమాకు వారే ప్రమోషన్ ని చేస్తున్నారు. నేటితరం యువ హీరోలు ఎక్కువగా పబ్లిక్ ద్వారానే మౌత్ టాక్ తో సినిమాకి ప్రమోషన్స్ తేవాలని తేగా ట్రై చేస్తున్నారు. అందుకే సోషల్ మీడియాలో ఆడియెన్స్ బాగా దగ్గరవుతున్నారు.

ఇటీవల ప్రేక్షకుల్లో స్టార్ హోదాను తొందరగా అందుకున్న హీరోల్లో విజయ్ దేవరకొండ ఒకరు. ఏ మాత్రం లిమిట్స్ లేకుండా తన మాటలతో ఆకర్షిస్తూ తన సినిమాకు భారీ క్రేజ్ ని అందేలా చేసుకుంటున్నాడు. అర్జున్ రెడ్డి సినిమాతో టాలీవుడ్ బాక్స్ ఆఫీస్ కి పాఠాలు నేర్పిన ఈ హీరో ప్రస్తుతం పార్టీలతో చాలా బిజీగా ఉన్నాడు. సినిమా హిట్ అయిన తర్వాత పెద్ద బ్యానర్ నుంచి ఆఫర్స్ కూడా బాగానే వస్తున్నాయి. దీంతో మనోడు సినీ ఇండస్ట్రీ ప్రముఖులతో ఇంకా దగ్గరవ్వాలని సర్కిల్‌ పెంచుకునేందుకు లావిష్‌ పార్టీలు ఇస్తున్నాడు. కుర్ర హీరోలనే కాకుండా.. దర్శకులతో కూడా బాగా క్లోజ్ గా ఉంటున్నాడు. ఈ మధ్యనే.. వెంకటేష్‌.. రానా.. సాయిధరమ్ తేజ్.. నాని లకు.. తన తల్లీతండ్రితో కలసి ఒక పార్టీ ఇచ్చాడు.

ఎక్కువగా బాలీవుడ్ లో ఇలాంటి సాంప్రదాయాలు ఉంటాయి. ఇప్పుడు విజయ్ కూడా అదే తరహాలో చేస్తూ.. బడా హీరోలని లైన్ లో పెడుతున్నట్లు టాలీవుడ్ లో టాక్ వినిపిస్తోంది. అయితే ఆల్రెడీ విజయ్ సీనియర్ హీరో వెంకీతో కలసి ఒక మల్టీస్టారర్ చేస్తాడని టాక్ ఉండగా.. మెగా క్యాంపులో కూడా తన స్నేహాన్ని అలా పెంచుకుంటున్నాడు.