విజయ్ బిగ్ బాస్ హోస్ట్ అవుతాడా?

టాలీవుడ్ కి తాజాస్టార్ గా మారిన విజయ్ దేవరకొండ 'గీత గోవిందం' సక్సెస్ ను ఫుల్లుగా ఎంజాయ్ చేస్తున్నాడు. రీసెంట్ గా తనకు వీరాభిమానులు అయిన అమ్మాయిలకు ఒక ఇంటర్వ్యూ ఇచ్చాడు. ఇంటర్వ్యూ లో వాళ్లు అడిగిన ప్రశ్నలన్నిటికీ తన స్టైల్ లో సమాధానాలు ఇచ్చాడు. అందులో విజయ్ కి ఎదురైనా ఒక ఇంట్రెస్టింగ్ క్వశ్చన్ ఏంటంటే 'బిగ్ బాస్' ను హోస్ట్ చేస్తారా? ' అని.

'అస్సలు చెయ్యను' అని సింపుల్ గా తేల్చాడు విజయ్. 'అర్జున్ రెడ్డి' సినిమా ప్రమోషన్స్ లో భాగంగా బిగ్ బాస్ కు వెళ్ళానని - కానీ తనకు అదంతా ఒకరకంగా అనిపించిందని చెప్పాడు. బిగ్ బాస్ హోస్ట్ గా మారడం సంగతి పక్కన బెట్టండి... అసలు బిగ్ బాస్ కు వెళ్ళడమే తనకు ఇంట్రెస్ట్ లేదన్నాడు. కానీ 'గీత గోవిందం' ప్రమోషన్స్ నిర్మాతలు బిగ్ బాస్ హౌస్ కు వెళ్ళే ప్లాన్ చేయడం తో లాస్ట్ వీక్ అక్కడికి వెళ్ళాల్సి వచ్చిందని తెలిపాడు. హీరో నాని ని కలవాలనుకోవడం కూడా బిగ్ బాస్ కు వెళ్ళడానికి మరో కారణమట.

ప్రస్తుతం అయితే విజయ్ చేతిలో నాలుగు సినిమాలు ఉన్నాయి.. ఆవి కాకుండా ప్రొడ్యూసర్లు విజయ్ డేట్స్ కోసం క్యూ కట్టి ఉంటారు కాబట్టి బిగ్ బాస్ హోస్ట్ చేసేంత సమయం ఉండదు. కానీ ఫ్యూచర్ లో కళ్ళు చెదిరే ఆఫర్ తో బిగ్ బాస్ నిర్వాహకులు ముందుకొస్తే అప్పుడు కూడా 'నో' చెప్తాడా? పైగా ఎపుడు స్టేజ్ ఎక్కినా విజయ్ చేసే సందడి మామూలుగా ఉండదు.. బిగ్ బాస్ హోస్ట్ కి కావలసిన ఫస్ట్ క్వాలిటీ అదే.. మరి వేచి చూద్దాం ఫ్యూచర్ లో ఏం జరుగుతుందో!