దేవరకొండ రివ్యూ ఇచ్చాడుగా

సోషల్ మీడియా వచ్చినప్పటి నుండి ఎవరికి వారు వారికి నచ్చినట్టుగా నచ్చిన సినిమాలకు నచ్చే విధంగా రివ్యూలు ఇచ్చేస్తున్నారు. సినిమా బాలేకున్నా బావుంది- యాక్షన్ లవ్ కూడా బాగున్నాయి. దర్శకుడు బాగా చేశాడు.. ఇలా చెప్పడం చాల రొటీన్. అందరికి తెలిసిన విషయమే. కానీ కొత్తగా ఇస్తే పదిమంది మాట్లాడుకోవాలి. ఆ విధంగా రివ్యూలు ఇవ్వడానికి ఈ మధ్య స్టార్స్ వారి టాలెంట్ ను చూపిస్తున్నారు.

అర్జున్ రెడ్డి సినిమాతో అందరి నుంచి సరికొత్తగా రివ్యూలను అందుకున్న విజయ్ దేవరకొండ కూడా ఇతర సినిమాలకు అప్పుడప్పుడు అదిరిపోయేలా సినిమా నచ్చిందని చెబుతుంటాడు. శుక్రవారం రిలీజ్ అయిన రంగస్థలం సినిమాకు కూడా మనోడు ఇచ్చిన రివ్యూ మెగా అభిమానులను తెగ ఆకట్టుకుంది. ముందుగా అన్ని అంశాలకు ఏ రేటింగ్ యాడ్ చేశాడు. రంగస్థలం - A! - పెర్ఫెమెన్స్ A - దర్శకత్వం A - కెమెరా A - సంగీతం A - ప్రొడక్షన్ A. అనే రేటింగ్ ఇచ్చి చిత్ర యూనిట్ ని స్పెషల్ గా పొగిడాడు.

చరణ్ క్లాప్స్.. సామ్ స్మైల్ ..సుక్కూ సర్ లవ్ యూ.. మైత్రీ థమ్స్ అప్.. DSP బాబా.. రత్నావేలు సూపర్.. అనే ఎమోజీలను యాడ్ చేసి స్పెషల్ గా ట్వీట్ చేశాడు. దీంతో విజయ్ దేవరకొండ ఫాలోవర్స్ కూడా సూపర్ రివ్యూ అని కామెంట్స్ చేస్తున్నారు. ఇక మొదటి రోజులాగే రంగస్థలం రెండవ రోజు కూడా అదే స్థాయిలో కలెక్షన్స్ రాబడుతోంది. రేపు కూడా సినిమా టికెట్లు దొరికేలా లేవు.