ప్రస్థానం దర్శకుడితో అర్జున్ రెడ్డి?

అర్జున్ రెడ్డి సినిమాతో బాక్స్ ఆఫీస్ హీరోగా మారిన విజయదేవరకొండ నెక్స్ట్ ఎలాంటి సినిమాతో వస్తాడా అని ప్రతి ఒక్కరు ఎదురుచూస్తున్నారు. ప్రస్తుతం మనోడు గీత ఆర్ట్స్ బ్యానర్ లో ఒక సినిమాను చేస్తోన్న సంగతి తెలిసిందే. పరశురామ్ తెరకెక్కిస్తోన్న ఆ సినిమాకు గీతా గోవిందం అనే టైటిల్ ను కూడా ఫిక్స్ చేశారు. ఇక టాక్సీ వాలా అనే మరొక సినిమాను కూడా చేస్తున్నాడు.

ఇక తమిళ్ లో కూడా ఆనంద్ శంకర్ తో ఒక సినిమాను చేయాలనీ అనుకుంటున్నాడు. మొత్తంగా విజయ్ 2018లో మూడు సినిమాలను రిలీజ్ చేయాలనీ ప్లాన్ చేస్తున్నాడు. ఇక అసలు విషయానికి వస్తే.. అర్జున్ రెడ్డి హీరో మరొక స్పెషల్ స్టోరీని ఒకే చేశాడని తెలుస్తోంది. ప్రస్థానం సినిమాతో దర్శకుడిగా తనకంటూ ఒక ప్రత్యేకమైన గుర్తింపును తెచ్చుకున్న దర్శకుడు దేవాకట్టా విజయ్ కి స్టోరీని చెప్పాడట. వినగానే మనోడికి దేవాకట్ట పెన్ పవర్ నచ్చేసి గ్రీన్ సిగ్నల్ ఇచ్చినట్లు తెలుస్తోంది.

ఈ సినిమా అఫీషియల్ ఎనౌన్సమెంట్ త్వరలోనే విజయ్ సోషల్ మీడియా ద్వారా చెప్పనున్నాడట. గతంలో దేవకట్టా ప్రస్థానం హిందీలో రీమేక్ చేస్తున్నాడు అనే వార్తలు వచ్చాయి. సంజయ్ దత్ సాయి కుమార్ చేసిన రోల్ ని చేస్తారని కూడా వార్తలు వచ్చాయి. కానీ ఇంతవరకు ఎలాంటి వివరణ ఇవ్వలేదు. మరి దేవాకట్టా విజయ్ తో సినిమాను చేస్తాడా లేదా అనేది తెలియాలంటే మరికొన్ని రోజులు ఆగాల్సిందే.