అర్జున్ రెడ్డిది మామూలు కష్టం కాదుగా

ఎవడే సుబ్రహ్మణ్యం సినిమాతో వెండితెరకు పరిచయమైనా విజయ్ దేవరకొండ జనాలకు నోటయ్యింది మాత్రం పెళ్లిచూపులు సినిమాతోనే. ఈ సినిమాతో యూత్ లో అతడికి మంచి క్రేజ్ వచ్చింది. తర్వాత ద్వారక సినిమా రిలీజైనా ఆ సినిమా జనాలకు అంతగా కనెక్టవలేదు. రీసెంట్ గా రిలీజైన అర్జున్ రెడ్డి మాత్రం లిప్ కిస్ పోస్టర్లతో వివాదాలకెక్కి అందరి దృష్టిని బాగానే అట్రాక్ట్ చేసింది. ఈ సినిమా అటు విమర్శకులు పొగడ్తలు.. ఇటు ప్రేక్షకుల ప్రశంసలు రెండూ దక్కించుకోవడం విశేషం.

సాధారణంగా హీరోగా ఇండస్ట్రీలో నిలదొక్కుకోవడానికి ప్రయత్నాలు యంగ్ ఏజ్ లో స్టార్ట్ చేస్తారు. విజయ్ దేవరకొండ మాత్రం రెండేళ్లకే హీరో అవడానికి ప్రయత్నం మొదలెట్టాడట. అల్లు అరవింద్ తనయుడు అల్లు శిరీష్ తో వాదులాటలో భాగంగా ఈ విషయం బయటలెట్టాడు. అల్లు శిరీష్ పుట్టుకతోనే గోల్డెన్ స్పూన్ తో పుట్టాడని గుర్తు చేయడంతోపాటు అతడికి ఆడిషన్ అంటే ఏమిటో తెలియదని... ఆఖరుకు ఆడిటోరియం కన్నా ముందు ఆడి కారు గురించే ముందుగా తెలిసిందంటూ సెటైర్ వేశాడు. రెండేళ్ల వయసులో మెగా హీరో రామ్ చరణ్ తో కలిసి డ్రింక్ తాగుతున్న ఫొటోను చూపిస్తూ ఆ వయసులో డ్రింక్ తాగక మందు తాగుతారా ఏమిటంటూనే... అదే వయసులో తాను జిమ్నాస్టిక్స్ నేర్చుకున్నానంటూ చెప్పుకొచ్చాడు. చెప్పడమే కాదు.. దానికి సంబంధించి వీడియో కూడా చూపించాడు. అది చూసి శిరీష్ చప్పట్లు కొట్టి అభినందిస్తూనే రెండేళ్ల వయసులో చేసిన జిమ్నాస్టిక్స్ ఇప్పుడు చేయాలంటూ అల్లు శిరీష్ అడిగాడు. అప్పుడు టూ ఇయర్స్ అయితే ఇప్పుడు 28 ఇయర్స్ వచ్చాయంటూ విజయ్ దేవరకొండ మాట దాటేశాడు.

ఇదంతా సీరియస్ మేటర్ అనుకునేరు కాదు. అదేంకాదు... ఓ ఫంక్షన్ లో భాగంగా ఫన్నీ కాన్వర్సేషన్ తో ఇద్దరూ ఇలా గొప్పలు చెప్పుకొంటూ ఆడియన్స్ ను ఎంటర్ టెయిన్ చేశారు. మొత్తానికి యంగ్ హీరోలు భేషజాలకు పోకుండా మాంచి కామెడీ పంచ్ లతో అందరినీ నవ్వులతో ముంచెత్తి ప్రోగ్రాంను రక్తి కట్టించారు.