త్రివిక్రమ్ అండ్ అనుష్క తో వర్క్ చేస్తా

ఒక్క నిర్ణయం మనిషి తలరాతను మార్చినట్టు సినీ ఇండస్ట్రీలో ఒక్క సినిమా చిత్ర యూనిట్ మొత్తం తలరాతను మారుస్తోంది అనడంలో ఎలాంటి సందేహం లేదు. అందుకు అర్జున్ రెడ్డిని ఉదాహరణగా చెప్పవచ్చు. సినిమా విడుదలకు ముందే రికార్డ్ స్థాయిలో అంచనాలను పెంచింది. ఇక విడుదల తర్వాత కూడా అంతకంటే ఎక్కువ స్థాయిలో కలెక్షన్స్ ని రాబట్టి బాక్స్ ఆఫీస్ కి కొత్త పాఠాలు నేర్పింది. సినిమాకు వర్క్ చేసిన వారికి మంచి ఆఫర్స్ అందుతున్నాయి.

ముఖ్యంగా విజయ్ దేవరకొండ ఇమేజ్ మారిపోయిందని ఈజీగా తెలుస్తోంది. ఇక ఈ హీరో నెక్స్ట్ సినిమా ఏది రిలీజ్ చేసినా భారీ ఓపెనింగ్స్ రావడం ఖాయం. విజయ్ ప్రస్తుతం కొన్ని సినిమాలతో బిజీగా ఉన్న సంగతి తెలిసిందే. అయితే ఈ హీరో ఈ మధ్య సినీ ప్రముఖులతో చాలా క్లోజ్ గా ఉంటున్నాడు. రెగ్యులర్ సినిమా హీరోలతో దర్శకులతో పార్టీలు కూడా చేసుకుంటున్నాడు. సోషల్ మీడియాలో కూడా చురుగ్గా కనిపిస్తున్నాడు.

అయితే ఈరోజు విజయ్ ఎవరు ఉహించని విధంగా ట్వీట్ చేశాడు. హీరోయిన్ అనుష్క డైరెక్టర్ త్రివిక్రమ్ పుట్టినరోజు సందర్భంగా వారిద్దరికీ బర్త్ డే విషెస్ ని చెబుతూ.. త్వరలో వారిద్దరితో వర్క్ చేస్తాను అని కామెంట్ చేయడంతో విజయ్ నిజంగా చెప్పాడా లేక ఫ్యూచర్ ని ఊహిస్తున్నాడా అని అందరు కన్ఫ్యూజన్ తో కామెంట్ చేశారు. మరి ఈ ట్వీట్ సంగతి తెలియాలంటే విజయ్ ఈ సారి ప్రెస్ మీట్ కి వచ్చినపుడు అడిగితీరాలి.

ఇకపోతే మహేష్‌ బాబు వంటి సూపర్ స్టార్లు కూడా త్రివిక్రమ్ కు ట్విట్టర్ ద్వారా బర్తడే విషెస్ తెలుపడం విశేషం. మాటల మాంత్రికుడు అంటే అందరికీ ఆప్తుడే.