పిల్ల‌ను హైజాక్ చేసిన రౌడీ.. ఏంటి క‌థ‌?

పిల్ల దొరికితే పెళ్లే. ఇప్ప‌టికే జూబ్లీహిల్స్ లో కొత్త ఇల్లు కొని సొంతింటివాడ‌య్యాడు. పెళ్లితో ఓ ఇంటివాడ‌వ్వాల‌ని ఇంట్లో వాళ్లు సంబంధాలు వెతుకుతున్నారు. ఇలాంట‌ప్పుడు.. రౌడీకి దొరికిందో పిల్ల.. ఎవ‌రీ పిల్ల‌? అంటారా .. ఇంకెవ‌రు బాలీవుడ్ హాట్ గాళ్ అన‌న్య పాండే. అయితే ఇలా అతడితో బైక్ పై రొమాన్స్ చేస్తోంది ఏంటి క‌థ‌? అంటే వివ‌రాల్లోకి వెళ్లాలి.

తాజాగా ఫైట‌ర్ `షూటింగ్` స్పాట్ నుంచి కొన్ని ఫోటోలు లీక‌య్యాయి. విజ‌య్ బైక్ రైడ్ చేస్తుండ‌గా అత‌డితో పాటు అన‌న్య పాండే ఇదిగో ఇలా బైక్ పై క‌నిపించింది. ఒక ఫోటోలో బైక్ ట్యాంక్ పై కూచుని రైడింగ్ కి రెడీ అవుతోంది. ఇది చూస్తుంటేనే యంగ్ క‌పుల్ రైడింగ్ అద‌ర‌గొట్టార‌ని అర్థ‌మ‌వుతోంది. ఇక బైక్ రేసింగ్ లో భాగంగానే రౌడీ పోర‌డు ఇలా పోరితో చెల‌రేగాడా? అన్న‌ది స‌స్పెన్స్. ఇక ఈ ఫోటోలో అన‌న్య సంథింగ్ స్పెష‌ల్ గా హాట్ గా కనిపించింది.

విజ‌య్ ప‌క్కా మాసీగా ర‌ఫ్ అండ్ ఠ‌ఫ్ గా క‌నిపిస్తున్నాడు. ఒక ర‌కంగా ఇది పూరి మార్క్ ఫోజు అనే చెప్పాలి. క‌థానాయిక‌ల‌తో ఘాటైన రొమాన్స్ చేయించ‌డం.. వేడెక్కించే లిప్ లాక్ ల‌తో స్క్రీన్ పై చెల‌రేగ‌డం వ‌గైరా వ‌గైరా లేకుండా పూరి సినిమాలు ఉండ‌వు. ఇక ఫైట‌ర్ చిత్రం కోస‌మేనా ఈ పాట్లు? అంటే అవున‌నే స‌న్నివేశం చెబుతోంది. అన్న‌ట్టు అన‌న్య‌తో ఈ మూవీలో విజ‌య్ రొమాన్స్ ఏ లెవల్లో ఉండ‌నుందో అన్న క్యూరియాసిటీని పెంచే ప్ర‌య‌త్న‌మే ఇది. ప్ర‌స్తుతం పూరి- ఛార్మి బృందం హీటెక్కించే కంటెంట్ పైనే క‌స‌ర‌త్తు చేస్తున్నార‌ని అర్థ‌మ‌వుతోంది మ‌రి.