ఫ్రాన్స్ లో విజయ్ దేవరకొండ ప్రేమ కబుర్లు

డియర్ కామ్రేడ్ షూటింగ్ పూర్తి చేసుకుని విడుదల కోసం వెయిట్ చేస్తున్న విజయ్ దేవరకొండ కొత్త సినిమా షూటింగ్ ఫ్రాన్స్ కు షిఫ్ట్ అయ్యింది. క్రియేటివ్ కమర్షియల్స్ బ్యానర్ పై కెఎస్ రామారావు గారి అబ్బాయి వల్లభ నిర్మిస్తున్న ఈ మూవీకి క్రాంతి మాధవ్ దర్శకుడు. డియర్ కామ్రేడ్ తో కొన్నాళ్ళు సమాంతరంగా షూటింగ్ జరుపుకున్న ఈ మూవీ ఇప్పుడు కీలక భాగం కోసం ఫ్రాన్స్ కు చేరుకుంది.

అక్కడ సుదీర్ఘమైన షెడ్యూల్ ప్లాన్ చేసినట్టు తెలిసింది. అది కంప్లీట్ చేసుకుంటే కొంత బాలన్స్ మినహా అంతా' పూర్తయినట్టే అని యూనిట్ టాక్. ఇదో ట్రయాంగిల్ లవ్ స్టొరీ. రాశి ఖన్నా ఐశ్వర్య రాజేష్ తో పాటు ఇజాబెల్లెదే హీరొయిన్లు నటిస్తున్నారు. ఈ ముగ్గురు భామలతో విజయ్ దేవరకొండ ఏం చేశాడు అనేది ప్రస్తుతానికి సస్పెన్స్ఇంకో మూడు నెలల్లో పోస్ట్ ప్రొడక్షన్ కూడా పూర్తి చేసి దసరా లేదా దీపావళికి విడుదల చేసే ప్లానింగ్ జరుగుతున్నట్టు సమాచారం.

గోపి సుందర్ సంగీతం అందిస్తున్న ఈ మూవీకి జేకే ఛాయాగ్రహణం నిర్వహిస్తున్నారు. ఓనమాలు మళ్ళి మళ్ళి రాని రోజు లాంటి సెన్సిటివ్ సబ్జెక్ట్స్ ని డీల్ చేసి మంచి పేరు తెచ్చుకున్న క్రాంతి మాధవ్ ఇందులో కూడా అదే తరహా మంచి ఎమోషన్స్ ని జోడించి కథను తెరకెక్కించారని చెబుతున్నారు. సునీల్ తో కమర్షియల్ గా ట్రై చేసిన ఉంగరాల రాంబాబు ఆశించిన ఫలితం ఇవ్వని నేపధ్యంలో తనకు ప్రత్యేకంగా నిలిచిన శైలిలోనే దీన్ని రూపొందించినట్టు తెలిసింది. త్వరలో ఫస్ట్ లుక్ తో పాటు టైటిల్ అనౌన్స్ చేసే దిశగా టీం ఏర్పాట్లు చేస్తోంది