కోహ్లీతో డేటింగ్ చేసి రౌడీతో షికార్లా?

టీమిండియా కెప్టెన్ విరాట్ కోహ్లీతో చెట్టాప‌ట్టాల్ అంటూ షికార్లు చేసింది బ్రెజిలియ‌న్ మోడ‌ల్ ఇజ‌బెల్లా లియాట్. అటుపై సిద్ధార్థ్ మ‌ల్హోత్రా తోనూ ఈ అమ్మ‌డు ఎఫైర్ సాగించింద‌ని బాలీవుడ్ లో ప్ర‌చార‌మైంది. అయితే అదంతా మ‌న‌కెందుకులే అనుకుంటే ప్ర‌స్తుతం రౌడీతోనూ ఎఫైర్ సాగిస్తూ వార్త‌ల్లోకి వ‌చ్చింది. బ్రెజిల్ బ్యూటీతో దేవ‌ర‌కొండ ఎఫైరా..? అని ఆశ్చ‌ర్యపోయే ముందే కాస్తంత‌ వివ‌రాల్లోకి వెళ‌దామా?

అస‌లు విదేశీ బీచ్ ల‌లో చిలౌట్ చేస్తూ బాలీవుడ్ పై క‌న్నేసే చాలా మంది భామ‌ల్లో బ్రెజిల్ ఇంపోర్ట్ కాస్తంత ఎక్కువే. ప‌లువురు టాప్ బ్రెజిలియ‌న్ మోడ‌ల్స్ ఇప్ప‌టికే బాలీవుడ్ స‌హా సౌత్ ఇండ‌స్ట్రీలో సినీఛాన్సులు అందుకున్నారు. అదే బాట‌లో వ‌స్తున్న మ‌రోభామ ఇజ‌బెల్లా లియాట్. ఈ అమ్మ‌డు బాలీవుడ్ తో పాటు అడ‌పా ద‌డ‌పా ఇటు సౌత్ లో టాలీవుడ్ పైనా దృష్టి సారించింది. ఇక్క‌డ ఆరంభ‌మే రౌడీ విజ‌య్ దేవ‌ర‌కొండ స‌ర‌స‌న అవ‌కాశం అందుకుంది. దేవ‌ర‌కొండ హీరోగా క్రాంతి మాధ‌వ్ ద‌ర్శ‌క‌త్వంలో కె.ఎస్.రామారావు - అలెగ్జాండ‌ర్ వ‌ల్ల‌భ సంయుక్తంగా నిర్మిస్తున్న తాజా సినిమాలో ఇజ‌బెల్లా న‌టిస్తోంది. ప్ర‌స్తుతం ఫ్రాన్స్ లో కీల‌క షెడ్యూల్ చిత్రీక‌ర‌ణ‌ సాగుతోంది. ఈ షూట్ లో ప్ర‌ధాన తారాగ‌ణం పాల్గొంటోంద‌ని తెలుస్తోంది.

ఇందులో దేవ‌ర‌కొండ గాళ్ ఫ్రెండ్ పాత్ర‌లో ఇజ‌బెల్లా న‌టిస్తోంద‌ట‌. అలాగే ఐశ్వ‌ర్య రాజేష్ ప్ర‌ధాన నాయిక‌గా ఆడిపాడుతోంది. ఇద్ద‌రు భామ‌ల మ‌ధ్య న‌లిగిపోయే మురారి త‌ర‌హా పాత్ర‌లో దేవ‌ర‌కొండ న‌టిస్తున్నాడ‌ట‌. మొత్తానికి కోహ్లీతో డేటింగ్ చేసి రౌడీతో షికార్లు చేస్తోంది ఈ అమ్మ‌డు. ఇదే విష‌యాన్ని రౌడీ అభిమానులు కాస్తంత ఎగ్జ‌యిటింగ్ గానే ప్ర‌స్తావిస్తున్నారు. ఇజ‌బెల్లా ట్యాలెంటెడ్ న‌టి అంటూ కితాబిచ్చేస్తున్నారు. ఈ క్రేజీ మూవీకి గోపి సుంద‌ర్ సంగీతం అందిస్తున్నారు. శ‌ర‌వేగంగా చిత్రీక‌ర‌ణ పూర్త‌వుతున్న ఈ సినిమా టైటిల్ ని త్వ‌ర‌లోనే ప్ర‌క‌టించ‌నున్నార‌ని తెలుస్తోంది.