రికార్డుల్లో బ‌న్ని అన్న‌నే మించిపోతున్నాడు!

స్టైలిష్ స్టార్ అల్లు అర్జున్ ... విజ‌య్ దేవ‌ర‌కొండ మ‌ధ్య ఒకే ఒక్క పోలిక స్టైలింగ్ అండ్ ఫ్యాష‌న్ ఎలివేష‌న్. టాలీవుడ్ లో ఏకైక స్టైలిష్ హీరోగా బ‌న్ని రాజ్య‌మేలుతున్న క్ర‌మంలోనే కాస్త లేట్ గా వ‌చ్చినా విజ‌య్ దేవ‌ర‌కొండ ఆ త‌ర్వాతి స్థానాన్ని ఆక్ర‌మించాడు. ఇండ‌స్ట్రీలో ఎంద‌రు పాపుల‌ర్ హీరోలు ఉన్నా స్టైలింగ్ ని ఫాలో చేయ‌డంలో బాలీవుడ్ స్టార్ల‌ను మించిపోతున్నాడు విజ‌య్. నేటి త‌రంలో తెలివైన ఎత్తుగ‌డ‌ల‌తో కావాల్సినంత ప్ర‌చారం కొట్టేస్తున్నాడు.

ఇక సోష‌ల్ మీడియాల్లోనూ బ‌న్నీకి ధీటుగా ఫాలోవ‌ర్స్ ని పెంచుకున్న ఏకైక హీరో విజ‌య్ దేవ‌ర‌కొండ మాత్ర‌మే. రీసెంట్ గా అల్లు అర్జున్ ఇన్ స్టాగ్రామ్ లో 13 మిలియ‌న్ (1కోటి 30ల‌క్ష‌లు)ల‌ అనుచ‌రుల‌ను సాధించి సరికొత్త రికార్డ్ నమోదు చేయ‌గా.. ఇప్పుడు ఆ రికార్డును రౌడీ బోయ్ బ్రేక్ చేశాడు. కోటి పైగా ఫాలోవ‌ర్స్ తో సౌతిండియాలో వేరొక స్టార్ ఎవ‌రూ లేనే లేరు. బ‌న్ని ఆ త‌ర్వాత విజ‌య్ కి మాత్ర‌మే ఇంత‌టి ఫాలోయింగ్ ఏర్ప‌డింది.

ఓవైపు పుష్ప డ్యూయాల‌జీతో బ‌న్ని పేరు జాతీయ స్థాయిలో మార్మోగుతోంది. ఈ చిత్రాన్ని హిందీలోనూ భారీగా రిలీజ్ చేసేందుకు బ‌న్ని- సుకుమార్ టీమ్ ప్ర‌ణాళిక‌ల్లో ఉంది. అలాగే లైగ‌ర్ చిత్రంతో విజ‌య్ దేవ‌ర‌కొండ పేరు బాలీవుడ్ స‌ర్కిల్స్ లో మార్మోగుతోంది. అర్జున్ రెడ్డి హీరోగా అత‌డికి నార్త్ లోనూ మంచి గుర్తింపు ద‌క్కింది. దీంతో ఉత్త‌రాది యువ‌త‌రంలోనూ దేవ‌ర‌కొండ గొప్ప ఫాలోయింగ్ ని తెచ్చుకుంటున్నాడు. లైగ‌ర్ త‌ర్వాత అత‌డి ఫాలోయింగ్ మ‌రింత‌గా పెరుగుతుంద‌న్న అంచ‌నా ఏర్ప‌డింది. బాలీవుడ్ లో అసాధార‌ణ ఫాలోయింగ్ ఉన్న స్టైలిష్ హీరోగా ర‌ణ‌వీర్ సింగ్ కి గుర్తింపు ఉంది. ర‌ణ‌వీర్ స్ఫూర్తితో విజ‌య్ దేవ‌ర‌కొండ స్టైలిష్ ఐక‌న్ గా త‌న‌ని తాను తీర్చిదిద్దుకుంటున్న వైనం భారీ ఫాలోయింగ్ ని తెచ్చి పెడుతోంది. బ‌న్నీని అన్న అంటూ ఆప్యాయంగా పిలుచుకునే దేవ‌ర‌కొండ ఇప్పుడు అన్న‌నే మించిపోతున్నాడు మ‌రి!