నిర్మాత‌కు హీరోకు న‌డుమ పిట్టింగ్ పెట్టారా?

అత‌డు వ‌రుస‌ క్లాసిక్ హిట్ల‌తో రికార్డ్ బ్రేకింగ్ స్టార్ గా దూసుకొచ్చాడు. ఆయ‌న ఇండ‌స్ట్రీనే ఏల్తున్న అగ్ర నిర్మాత‌.. ఆ న‌లుగురిలో ఒక‌రు. అయితే ఆ హీరోకి ఆ నిర్మాత‌కి మ‌ధ్య సోష‌ల్ మీడియాల్లో కొంద‌రు నిప్పు పెట్టారు. ఈ నిప్పు ఉద్ధ‌శం ఆ ఇద్ద‌రి సినిమా ఆగిపోయింద‌ని.. క్రియేటివ్ డిఫ‌రెన్సెస్ దీనికి కార‌ణ‌మ‌ని ప్ర‌చార‌మైంది. ఇంత‌కీ ఆ నిర్మాత ఎవ‌రు? ఆ హీరో ఎవ‌రు? అంటే... అగ్ర నిర్మాత దిల్ రాజు వ‌ర్సెస్ రౌడీ విజ‌య్ దేవ‌ర‌కొండ‌!! అంటూ గుస‌గుస వినిపిస్తోంది.

దేవ‌ర‌కొండ‌ క‌థానాయ‌కుడిగా శివ నిర్వాణ ద‌ర్శ‌క‌త్వంలో దిల్ రాజు ఓ సినిమాని నిర్మించ‌నున్నార‌ని ఇంత‌కుముందు క‌థ‌నాలొచ్చాయి. అయితే ఈ సినిమా క‌థాంశాన్ని పాన్ ఇండియా రేంజుకు మార్చాలని ద‌ర్శ‌కుడిని.. బ‌డ్జెట్ ప‌రిధిని పెంచ‌మ‌ని దిల్ రాజును దేవ‌ర‌కొండ అడిగార‌ని అందువ‌ల్ల డిఫ‌రెన్సెస్ తో ఆగిపోయింద‌ని ప్ర‌చార‌మైంది.

అయితే ఇది నిజ‌మా? అంటే అంతా ఉత్తుత్తి ప్ర‌చార‌మేన‌ని తెలుస్తోంది. ప్ర‌స్తుతానికి ఎవ‌రి ప‌నుల్లో వాళ్లు బిజీగా ఉన్నారు. దేవ‌ర‌కొండ లైగ‌ర్ చిత్రీక‌ర‌ణ‌ను పూర్తి చేయాలి. శివ నిర్వాణ నాని హీరోగా ట‌క్ జ‌గ‌దీష్ చిత్రీక‌ర‌ణ‌ను పూర్తి చేసి రిలీజ్ బ‌రిలో ఉన్నారు. దిల్ రాజు వ‌రుస ప్రాజెక్టుల‌తో బిజీ. ఒక్కొక్క‌టిగా క్లారిటీ వ‌చ్చాక దేవ‌ర‌కొండ‌- శివ నిర్వాణ‌- దిల్ రాజు క‌ల‌యిక‌లో సినిమాపైనా క్లారిటీ రానుంద‌ని తెలుస్తోంది. ఇటీవ‌ల సాగించిన‌ సోష‌ల్ మీడియాల ప్ర‌చారం న‌మ్మాల్సిన అవ‌స‌రం లేదు. అయితే పాన్ ఇండియా మూవీ లైగ‌ర్ లో న‌టిస్తున్న దేవ‌రకొండ ఆ త‌ర్వాత లోక‌ల్ కంటెంట్ తో సినిమాలు చేసే వీల్లేదు. అందువ‌ల్ల క‌చ్ఛితంగా స్క్రిప్ట్ ప‌రంగా యూనివ‌ర్శ‌ల్ అప్పీల్ ఉండాల్సిందేన‌ని అభిమానులు భావిస్తున్నారు. తెలుగు ఆడియెన్ తో పాటు ఇత‌ర భాష‌ల్లోనూ దేవ‌ర‌కొండ‌కు ఉన్న ఫాలోయింగ్ దృష్ట్యా శివ నిర్వాణ‌కు అది బిగ్ ఛాలెంజ్ గా ఉంటుంద‌నడంలో ఎలాంటి సందేహం లేదు.