లేడీ సూపర్ స్టార్ తో దేవరకొండ?

విజయ్ దేవరకొండ ఇప్పుడు ఒక క్రేజీహీరో అనే సంగతి తెలిసిందే. విజయ్ క్రేజు జస్ట్ తెలుగుకు మాత్రమే పరిమితం కాలేదు. సౌత్ మొత్తం ఉండే యూత్ లో విజయ్ కు ఫాలోయింగ్ ఉంది. ఇక తమిళంలో అయితే కాస్త ఎక్కువగానే క్రేజ్ ఉంది. అందుకేనేమో 'నోటా' ఫ్లాప్ అయినా తమిళ మేకర్స్ దగ్గరనుండి ఆఫర్లు వస్తూనే ఉన్నాయి. తాజాగా రౌడీగారికి ఒక తమిళ-తెలుగు బైలింగువల్ ఆఫర్ వచ్చిందని సమాచారం.

'నోటా' కూడా ద్విభాషా చిత్రమే కదా ఈ ఆఫర్లో కొత్తేముంది అనే అనుమానాలను కొందరు వ్యక్తం చేయొచ్చు కానీ.. ఇందులో హీరోయిన్ స్పెషల్. సౌత్ లో నే లేడీ సూపర్ స్టార్ గా పేరు తెచ్చుకున్న నయనతారను ఈ సినిమాలో హీరోయిన్ గా అనుకుంటున్నారట. ఈ సినిమాను పాపులర్ తమిళ నిర్మాత ఎస్ ఆర్ ప్రభు నిర్మిస్తాడట. ఈ సినిమాతో ఒక యువ దర్శకుడు పరిచయమవుతాడట. మరి ఈ సినిమా కథ ఏంటి.. విజయ్.. నయనతార ఇద్దరూ ప్రాజెక్టుకు ఓకే చెప్పారా అనేది ఇంకా తెలీదు కానీ ఈ వార్త మాత్రం కొలీవుడ్ లో ఇప్పుడు హాట్ టాపిక్ అయింది. విజయ్ దేవరకొండ ఫాలోయింగ్ కు నయనతార స్టార్డమ్ కనుక తోడైతే ఈ సినిమా వేరే రేంజ్ లో ఉంటుందని చెప్పడంలో అనుమానం ఏమీ లేదు.

విజయ్ నటిస్తున్న 'డియర్ కామ్రేడ్' సినిమా చివరిదశలో ఉంది. మేలో ఈ సినిమాను ప్రేక్షకుల ముందుకు తీసుకొచ్చేందుకు ప్లాన్ చేస్తున్నారు. ఈ సినిమాలో విజయ్ దేవరకొండకు జోడీగా రష్మిక మందన్న హీరోయిన్ గా నటిస్తోంది. భరత్ కమ్మ దర్శత్వంలో తెరకెక్కుతున్న ఈ సినిమాను మైత్రీ మూవీ మేకర్స్ వారు నిర్మిస్తున్నారు.