భరత్ బ్యూటీతో అర్జున్ రెడ్డి

మహేష్ బాబు భరత్ అనే నేను చరణ్ వినయ విధేయ రామలతో మనవాళ్ళకూ బాగా దగ్గరైన బాలీవుడ్ కియారా అద్వానీ ఇంకో తెలుగు సినిమా ఏది సైన్ చేయలేదు. వరస బాలీవుడ్ ప్రాజెక్ట్స్ తో యమా బిజీగా ఉంది. తన డేట్స్ దొరకాలన్నా అంత ఈజీ కాదు అనేలా పరిస్థితి. ప్రస్తుతం అర్జున్ రెడ్డి హిందీ రీమేక్ కబీర్ సింగ్ లో నటిస్తున్న కియారా నిన్న జరిగిన హిందుస్థాన్ టైమ్స్ స్టైలిష్ అవార్డ్స్ వేడుకలో ఒరిజినల్ అర్జున్ రెడ్డి విజయ్ దేవరకొండను కలుసుకున్నప్పుడు కెమెరాలు అలా క్లిక్ మనిపించేశాయి.

జంట కూడా చూడముచ్చటగా ఉంది. చూసిన అభిమానులందరూ ఈ కాంబోలో మూవీ వస్తే ఎంత బాగుంటుందో అనే ఊహల్లోకి సైతం వెళ్లిపోతున్నారు. నిజంగానే పెయిర్ అలా ఉంది మరి. విజయ్ దేవరకొండ డియర్ కామ్రేడ్ విడుదల కోసం ఎదురు చూస్తున్నాడు. ఇప్పటికే టీజర్ సెన్సేషన్ రేపింది. మే 31 డేట్ ప్రకటించేశారు కాబట్టి ఇంకో రెండు నెలలు ఎదురు చూపులు తప్పవు. మరో వైపు క్రాంతి మాధవ్ దర్శకత్వంలో రూపొందుతున్న సినిమా షూటింగ్ శరవేగంగా సాగుతోంది.

ఇటీవలే మొదలైన మల్టీ లాంగ్వేజ్ మూవీ హీరో కూడా ఇదే ఏడాది వచ్చే అవకాశాలు ఉన్నాయి. ఇక కియారా మాత్రం తెలుగు సినిమా చేసే ఛాన్స్ దగ్గర్లో కనిపించడం లేదు. వినయ విధేయ రామ తీవ్రంగా నిరాశ పరచడం అమ్మడు ఊహించనిది. అది ప్రభావం చూపించింది అని కాదు కానీ చేతిలో ఉన్న హిందీ సినిమాలు పూర్తయితే తప్ప కొత్తవి ఒప్పుకునే ఛాన్స్ లేదు. ఏదో ఒకటి జరిగి విజయ్ దేవరకొండ కియారా కాంబో సెట్ అయితే బాగుండు కదూ