తెలుగు తర్వాత హిందీపై రౌడీ కన్ను

విజయ్ దేవరకొండ ఇప్పుడు జస్ట్ తెలుగు హీరో అనుకుంటే మీరు ఖచ్చితంగా పప్పులో కాలేసినట్టే. 'అర్జున్ రెడ్డి' దెబ్బతో ఇండియా లెవెల్ లో మన రౌడీ హీరోకు ఫాలోయింగ్ పెరిగింది. జస్ట్ ప్రేక్షకులే కాదు.. సినిమా సెలెబ్రిటీస్ కూడా విజయ్ దేవరకొండ ను అభిమానించే లిస్టులో ఉన్నారు. మీరు ఇందులో మీకేమీ అనుమానం అవసరం లేదు.

రీసెంట్ గా కాఫీ విత్ కరణ్ షో లో విజయ్ దేవరకొండతో ఒక సినిమా చేయాలని ఉందని శ్రీదేవి కూతురు జాన్వి కపూర్ చెప్పింది. ఇక అదే షోలో విజయ్ ను సూపర్ సెక్సీ సౌత్ ఇండియన్ స్టార్ అంటూ కరణ్ జోహార్ వర్ణించాడు. మరి ఈ విషయాలన్నీ విజయ్ దేవరకొండకు తెలుస్తాయి కదా? వీటికి రెస్పాన్స్ ఇస్తూ ఫ్యాన్స్ కు పెద్ద సర్ ప్రైజ్ ఇచ్చాడు విజయ్. త్వరలో జాన్వి - కరణ్ లతో పని చేస్తానని అన్నాడు.

ఈ మాట అనగానే విజయ్ బాలీవుడ్ ఎంట్రీ ఆల్రెడీ ఫిక్స్ అయిందని.. త్వరలో తెలుగు రౌడీ స్టార్ కాస్తా ఇండియా లెవెల్ లో ప్రేక్షకులను అలరించేందుకు రెడీ అవుతున్నాడని ఫ్యాన్స్ సంబరాలు చేసుకుంటున్నారు. మరి ఆ ప్రాజెక్ట్ ఏంటో.. కరణ్ నిజంగానే విజయ్ తో సినిమా చేస్తున్నాడా లేదా తెలియాలంటే మరి కొద్ది రోజులు వేచి చూడాలి.