గోల్డ్ చెయిన్స్ పంచిన స్టార్ హీరో

కోలీవుడ్ స్టార్ హీరో విజయ్.. రీసెంట్ గా భైరవ చిత్రంతో భారీ సక్సెస్ సాధించాడు. మూవీపై టాక్ తేడాగా ఉన్నా.. రివ్యూస్ నెగిటివ్ గా ఉన్నా.. కలెక్షన్స్ మాత్రం కుమ్మేసింది భైరవ. ఈ సక్సెస్ ను అభిమానులతో పంచుకునేందుకు భారీ పార్టీ ఇచ్చాడు విజయ్. భైరవ టీం మొత్తాన్ని ఈ పార్టీకి ఇన్వైట్ చేయడమే కాదు.. వాళ్లందరికీ షాక్ కూడా ఇచ్చాడట.

టీంలో ప్రధానమైన మెంబర్స్ అందరికీ బంగారు గోలుసులు గిఫ్ట్ గా ఇచ్చాడట విజయ్. దర్శకుడు భరతన్.. కీర్తి సురేష్.. ఎడిటర్ ప్రవీణ్ కేల్ సహా అందరికీ గోల్డ్ చెయిన్స్ ఇచ్చాడట విజయ్. ప్రస్తుతం ఈ న్యూస్ కోలీవుడ్ లో హాట్ టాపిక్ అయిపోయింది. మరోవైపు.. అట్లీతో తన కొత్త సినిమాను స్టార్ట్ చేసేశాడు ఇలయదళపతి. కొత్త గెటప్ తో ఓ యాక్షన్ సీక్వెన్స్ లో పాల్గొన్నట్లు తెలుస్తోంది. సహజంగా కనిపించే స్టైలిష్ కాస్ట్యూమ్స్ లో కాకుండా.. తమిళనాడు నేటివిటీని ప్రతిబింబించేలా ఈ మూవీలో విజయ్ గెటప్ ఉండనుందని తెలుస్తోంది.

ఇక ఈ చిత్రంలో ఓ కీలకమైన రోల్ చేసేందుకు అంగీకరించిన జ్యోతిక తప్పుకున్న సంగతి తెలిసిందే. స్క్రిప్ట్ విషయంలోను.. తన పాత్ర విషయంలోను కొన్ని మార్పులను జ్యోతిక సూచించిందట. ఆమె చెప్పినట్లు చేస్తే.. మొత్తం స్టోరీ దెబ్బ తింటుందనే ఉద్దేశ్యంతో.. ఆమె పాత్రకు వేరే వాళ్లను తీసుకునేందుకు డిసైడ్ అయ్యాడు అట్లీ. కాజల్.. సమంతలు ఈ సినిమాలో హీరోయిన్ గా నటించనున్నారు.

Like Us on Facebook : https://www.facebook.com/Tupakidotcom/