'కత్తి' సెంటిమెంట్‌ తో 'సర్కార్‌' టీజర్‌

తమిళ సూపర్‌ స్టార్‌ విజయ్‌ హీరోగా - సూపర్‌ డైరెక్టర్‌ మురుగదాస్‌ దర్శకత్వంలో తెరకెక్కిన చిత్రం ‘సర్కార్‌’. భారీ అంచనాల నడుమ రూపొందిన ఈ చిత్రంను నవంబర్‌ 6న విడుదల చేయబోతున్న విషయం తెల్సిందే. తమిళ ప్రేక్షకులతో పాటు తెలుగు ప్రేక్షకుల్లో కూడా ఈ చిత్రం అంచనాలు భారీగా ఉన్నాయి. వీరిద్దరి కాంబినేషన్‌ లో గతంలో వచ్చిన ‘కత్తి’ చిత్రం సంచలన విజయాన్ని సొంతం చేసుకుంది. కనుక ఈ చిత్రం కూడా బ్లాక్‌ బస్టర్‌ అవుతుందని విజయ్‌ ఫ్యాన్స్‌ నమ్మకంగా ఉన్నారు.

‘కత్తి’ చిత్రం ట్రైలర్‌ ను అక్టోబర్‌ 19 - 2014లో విడుదల చేయడం జరిగింది. ఇప్పుడు అదే సెంటిమెంట్‌ ను రిపీట్‌ చేయాలనే ఉద్దేశ్యంతో ఈనెల 19న ‘సర్కార్‌’ చిత్రం టీజర్‌ ను విడుదల చేయబోతున్నట్లుగా ప్రకటించారు. కత్తి తర్వాత విజయ్‌ - మురుగదాస్‌ ల కాంబోకు భారీ క్రేజ్‌ పెరిగింది. అందుకే ఈ చిత్రంకు రికార్డు స్థాయిలో బిజినెస్‌ జరుగుతుందట. తెలుగులో ఈ చిత్రాన్ని రీమేక్‌ చేస్తారా - డబ్బింగ్‌ చేస్తారా అనే విషయంపై క్లారిటీ రావాల్సి ఉంది.

తమిళ ప్రముఖ నిర్మాణ సంస్థ సన్‌ నెట్‌ వర్క్‌ నిర్మాణంలో తెరకెక్కుతున్న ఈ చిత్రంలో స్టార్‌ హీరోయిన్‌ కీర్తి సురేష్‌ నటించింది. విజయ్‌ కి జోడీగా కీర్తి నటించడంతో సినిమా స్థాయి మరింతగా పెరిగింది. మురుగదాస్‌ గత చిత్రం ‘స్పైడర్‌’ తీవ్రంగా నిరాశ పర్చడంతో ఈ చిత్రంపై ఇంకాస్త ఎక్కువ ఫోకస్‌ పెట్టి తీసినట్లుగా తమిళ మీడియా సంస్థల్లో కథనాలు వస్తున్నాయి. కత్తి సెంటిమెంట్‌ తో వస్తున్న ఈ చిత్రం కత్తిని మించి విజయాన్ని సొంతం చేసుకుంటుందో చూడాలి.