ఇదే జోరు కొనసాగితే వెయ్యి రికార్డ్‌ పక్కా

ఒకప్పుడు స్టార్‌ హీరోలు క్యారెక్టర్‌ ఆర్టిస్టులు ఒక్క రోజులో రెండు మూడు సినిమాల షూటింగ్స్సం లో పాల్గొన్న సందర్బాలు ఉన్నాయి. పెద్ద ఎత్తున సినిమాలు చేసిన స్టార్స్‌ ఈతరం వారిలో లేరు. ప్రస్తుతం ఉన్న యంగ్‌ స్టార్స్ పాతిక సినిమాలు చేయడం గొప్ప విషయంగా.. 50 సినిమాలు పూర్తి చేస్తే అద్బుతంగా.. వంద సినిమాలకు చేరువ అయితే నిజమా అన్నట్లుగా చూస్తున్నారు. అలాంటిది విజయ్ సేతుపతి వెయ్యి సినిమాల రికార్డును బ్రేక్‌ చేసేలా కనిపిస్తున్నాడు. ఎందుకంటే ఈయన హీరోగా.. విలన్‌ గా.. క్యారెక్టర్ ఆర్టిస్టుగా వరుసగా సినిమాలు చేస్తూనే ఉన్నాడు. పెద్ద ఎత్తున అంచనాలున్న సినిమాలను ఈయన చేయడం జరుగుతోంది.

తమిళంలో కెరీర్‌ ను ఆరంభించిన విజయ్‌ సేతుపతి ప్రస్తుతం తెలుగు.. హిందీ ఇంకా ఇతర భాషల్లో కూడా సినిమాలు చేస్తున్నాడు. ఈమద్య కాలంలో హీరోలు కేవలం హీరోగా మాత్రమే నటిస్తాను అంటూ మడి కట్టుకు కూర్చుంటున్నారు. కాని వారికి ఖచ్చితంగా విజయ్‌ సేతుపతి విభిన్నమైన వ్యక్తి అనడంలో సందేహం లేదు. ఎందుకంటే విజయ్‌ సేతుపతి వరుసగా విలన్ పాత్రలు చేయడంతో పాటు క్యారెక్టర్‌ ఆర్టిస్టుగా కూడా సినిమాలు చేస్తూ వస్తున్నాడు. బాక్సాఫీస్ వద్ద ఈయన సినిమాలు మంచి విజయాలను సొంతం చేసుకుంటున్నాయి. సినిమాలు మాత్రమే కాకుండా ఓటీటీ కంటెంట్ ను కూడా ఈయన చేస్తున్న విషయం తెల్సిందే.

ఓటీటీ లో ఈయన చేస్తున్న సినిమాలు విడుదల అవుతున్నాయి... థియేటర్ల ద్వారా ఈయన సినిమాలు ప్రేక్షకుల ముందుకు వస్తున్నాయి... డైరెక్ట్‌ శాటిలైట్ ద్వారా కూడా ఈయన సినిమాలు వస్తున్నాయి. ప్లాట్‌ పామ్‌ ఏదైనా కూడా ఖచ్చితంగా ఆకట్టుకునే విధంగా అందరిని మెప్పించే విధంగా విజయ్ సేతుపతి సినిమాలు ఉంటున్నాయి అంటూ ఇండస్ట్రీ వర్గాల వారు కామెంట్స్ చేస్తున్నారు. ఇదే జోరు కొనసాగించి సినిమాలు చేస్తే రాబోయే రోజుల్లో అత్యధిక సినిమాల్లో నటించిన నటుడిగా రికార్డు దక్కించుకోవడం ఖాయం అంటున్నారు.

ఈ నెలలో ఇప్పటికే 8 రోజులు పూర్తి అయ్యాయి.. రాబోయే 22 రోజుల్లో ఈయన నాలుగు సినిమాలు ప్రేక్షకుల ముందుకు రాబోతున్నాయి. ఒక్క నెల గ్యాప్‌ లో నాలుగు సినిమాలు అంటే మామూలు విషయం కాదు. ఈయన చేతిలో ప్రస్తుతం పది నుండి పదిహేను సినిమాలు ఉన్నాయి. అవన్నీ కూడా వచ్చే ఏడాదిలోనే విడుదల అయ్యే అవకాశాలు ఉన్నాయి. మొత్తానికి ఈ సినిమాల జోరు కంటిన్యూ చేస్తే విజయ్ సేతుపతికి గిన్నిస్ రికార్డు కూడా దక్కుతుంది అనే నమ్మకం వ్యక్తం అవుతోంది.