సౌత్ నార్త్ రేర్ కాంబినేషన్

ఇంతింతై అన్న రీతిలో విభిన్నమైన పాత్రలో చెలరేగిపోతున్న విజయ్ సేతుపతి మరో బంపర్ ఆఫర్ కొట్టేశాడని ముంబై టాక్. అమీర్ ఖాన్ హీరోగా బ్లాక్ బస్టర్ హాలీవుడ్ క్లాసిక్ ఫారెస్ట్ గంప్ రీమేక్ కాబోతున్న సంగతి తెలిసిందే. ప్రస్తుతం దీనికి సంబంధించి స్క్రిప్ట్ వర్క్ జరుగుతోంది. లాల్ సింగ్ చందా అనే టైటిల్ కూడా ఫిక్స్ చేశారు. ఇందులో ఓ కీలక పాత్రను విజయ్ సేతుపతికి ఆఫర్ చేశారట. అంత పెద్ద అవకాశం వస్తే తను మాత్రం ఎందుకు కాదంటాడు.

మెల్బోర్న్ లో జరుగుతున్న ఇండియన్ ఫిలిం ఫెస్టివల్ లో విజయ్ సేతుపతి స్వయంగా దీని ప్రస్తావన తేవడంతో విషయం వెలుగులోకి వచ్చింది. అయితే క్లూ ఇచ్చాడు కానీ ఎక్కువ డీటెయిల్స్ చెప్పకపోవడంతో ప్రస్తుతానికి ఇది న్యూస్ గా చెప్పుకోవడమే తప్ప అఫీషియల్ కన్ఫర్మేషన్ ఇంకా రాలేదు. దీని కన్నా ముందుగా విజయ్ సేతుపతి కనిపించే పరభాషా చిత్రం సైరానే అవుతుంది. చిరంజీవి హీరోగా ఎంతో ప్రతిష్టాత్మకంగా రూపొందిన సైరాలో విజయ్ సేతుపతి ఓబయ్య పాత్ర పోషించాడు.

ఒకవేళ అమీర్ ఖాన్ ది కూడా ఓకే అయ్యిందంటే అంతకంటే గుడ్ న్యూస్ ఈ నటుడికి ఇంకేముంటుంది. ఇదంతా కొలిక్కి రావడానికి కొంత టైం పడుతుంది. సాయి ధరమ్ తేజ్ తమ్ముడు వైష్ణవ్ తేజ్ ఉప్పెనలో కూడా నటిస్తున్న విజయ్ సేతుపతి దాన్ని డ్రాప్ అయ్యాడనే టాక్ ఉంది కానీ అధికారిక ప్రకటన రాలేదు. ఉన్నాడో లేదో కూడా బయటికి చెప్పడం లేదు. మొత్తానికి ఒక జానర్ కి కట్టుబడకుండా దూసుకుపోతున్న విజయ్ సేతుపతి తమిళ్ కే కట్టుబడకపోవడం విశేషం