మరో మెగా మూవీలో '96' స్టార్‌

బ్యాక్‌ గ్రౌండ్‌ ఏమీ లేకుండా కింది స్థాయి నుండి కోలీవుడ్‌ లో స్టార్‌ గా ఎదిగిన నటుడు విజయ్‌ సేతుపతి. ఈయన హీరోగానే కాకుండా కార్యక్టర్‌ ఆర్టిస్టుగా, విలన్‌ గా కూడా నటిస్తూ వస్తున్నాడు. చిరంజీవి 151వ చిత్రం 'సైరా నరసింహారెడ్డి' చిత్రంతో టాలీవుడ్‌ లోకి కూడా విజయ్‌ సేతుపతి ఎంట్రీ ఇస్తున్నాడు. గత ఏడాది ఈయన నటించిన '96' చిత్రంతో సౌత్‌ ఇండియా మొత్తం మంచి గుర్తింపును దక్కించుకున్నాడు. ప్రస్తుతం విజయ్‌ సేతుపతి తమిళంలోనే మూడు నాలుగు సినిమాలు చేస్తున్నాడు. అయినా కూడా తెలుగులో వరుస చిత్రాలకు కమిట్‌ అవుతున్నాడు.

ఇప్పటికే మెగాస్టార్‌ ప్రతిష్టాత్మక మూవీలో నటిస్తున్న విజయ్‌ సేతుపతి తాజాగా మెగాస్టార్‌ మేనల్లుడు వైష్ణవ్‌ తేజ్‌ మూవీలో నటించేందుకు గ్రీన్‌ సిగ్నల్‌ ఇచ్చినట్లుగా సమాచారం అందుతోంది. సుకుమార్‌ సారధ్యంలో బుచ్చిబాబు దర్శకత్వంలో మైత్రి మూవీస్‌ వారు నిర్మిస్తున్న వైష్ణవ్‌ తేజ్‌ మూవీలో విలన్‌ పాత్రకు గాను విజయ్‌ సేతుపతిని ఎంపిక చేసినట్లుగా తెలుస్తోంది.

వైష్ణవ్‌ తేజ్‌ ఈ చిత్రంలో జాలరిగా కనిపించబోతున్నాడని ఫస్ట్‌ లుక్‌ ద్వారా వెళ్లడయ్యింది. ఇలాంటి నేపథ్యం మూవీకి విజయ్‌ సేతుపతి వంటి నటుడు పడితే ఆ సినిమా స్థాయి అమాంతం పెరగడం ఖాయం. తప్పకుండా ఈ చిత్రంకు విజయ్‌ సేతుపతి పెద్ద అసెట్‌ అవుతాడనే అభిప్రాయం వ్యక్తం అవుతోంది. ఈ విషయమై అధికారిక ప్రకటన రావాల్సి ఉంది. విజయ్‌ సేతుపతి టాలీవుడ్‌ ఎంట్రీ వరుసగా ఇద్దరు మెగా హీరోల చిత్రాలతోనే ఇవ్వబోతున్నాడు. కనుక టాలీవుడ్‌ లో విజయ్‌ సేతుపతికి మంచి స్టార్‌ డం దక్కడం ఖాయమనిపిస్తుంది.