అమీర్ సినిమా నుంచి వైదొలిగిన సేతుపతి.. రీజన్ ఇదే!

ప్రస్తుతం బాలీవుడ్ మిస్టర్ పర్ఫెక్ట్ అమీర్ ఖాన్ చేస్తున్న మూవీ ‘లాల్ సింగ్ చద్దా’. 1994లో ఆస్కార్ అవార్డు గెలుచుకున్న హాలీవుడ్ చిత్రం ‘ఫారెస్ట్ గంప్’కు రీమేక్ ఇది. ఎంతో ప్రతిష్టాత్మకంగా ఈ చిత్రాన్ని తెరకెక్కించబోతున్నారు.

అయితే.. ఈ సినిమాలో కోలీవుడ్ స్టార్ విజయ్ సేతుపతి నటించబోతున్నాడనే వార్తలు వచ్చాయి. కొన్ని నెలల క్రితం.. ‘లాల్ సింగ్ చద్దా’లో కీలక పాత్ర కోసం విజయ్ సేతుపతిని మేకర్స్ సంప్రదించారు. దీనికి విజయ్ అంగీకరించారని కూడా టాక్. అయితే.. లేటెస్ట్ ఇన్ఫర్మేషన్ ప్రకారం ఈ ప్రాజెక్ట్ నుండి
సేతుపతి తప్పుకున్నారట.

అమీర్ ఖాన్ ను మిస్టర్ పర్ఫెక్ట్ అని ఎందుకు అంటారో మనకు తెలిసిందే. తన పాత్ర కోసం ఎంత దూరమైనా వెళ్తాడు అమీర్. దానికోసం ఏం చేయడానికైనా సిద్ధమవుతాడు. ఆయన ట్రాక్ రికార్డ్‌ను పరిశీలిస్తే ఈ విషయం అర్థమవుతుంది. అయితే.. ఈ సినిమా కోసం విజయ్ సేతుపతి ఆ పర్ఫెక్షన్ చేయడంలో విఫలమయ్యాడని టాక్.

ఈ చిత్రం కోసం దాదాపు 25 కిలోల బరువు తగ్గాలని విజయ్ సేతుపతిని కోరారట. దీనికి ఆయన అంగీకరించారని సమాచారం. ఈ మేరకు అమీర్ ఖాన్‌కు వాగ్దానం కూడా చేసినట్లు తెలుస్తోంది. కానీ.. తన బరువును తగ్గించడంలో సేతుపతి విఫలమయ్యాడని బాలీవుడ్ సర్కిల్స్ లో వినిపిస్తోంది. దీంతో నిరాశ చెందిన మిస్టర్ పర్ఫెక్ట్ అమీర్.. విజయ్ సేతుపతితో చేసుకున్న ఒప్పందాన్ని రద్దు చేసినట్టు టాక్. మరి, ఇది నిజమా కాదా? అనేది తేలాల్సి ఉంది. అద్వైత్ చందన్ దర్శకత్వం వహిస్తున్న ఈ ‘లాల్ సింగ్ చద్దా’ను 2021 క్రిస్మస్ సీజన్ లో విడుదల చేయాలని లక్ష్యంగా పెట్టుకున్నారు.