సూపర్ స్టార్‌ కొడుకుకి డైరెక్షన్‌ చేయాలని కల

తమిళ్ సూపర్ స్టార్‌ విజయ్ తనయుడు సంజయ్‌ కచ్చితంగా భవిష్యత్తులో ఒక స్టార్‌ హీరో అవుతాడని.. ఆయన తండ్రి మాదిరిగానే సూపర్‌ స్టార్‌ గా గుర్తింపు దక్కించుకుంటాడని అభిమానులు చాలా నమ్మకంతో ఉన్నారు. కానీ విజయ్ అభిమానుల అంచనాలను తారుమారు చేసే విధంగా సంజయ్ తాత యొక్క మాటలు ఉన్నాయి.

విజయ్ తండ్రి చంద్రశేఖర్‌ తాజాగా ఒక ఇంటర్వ్యూలో చేసిన వ్యాఖ్యలు ప్రస్తుతం తమిళ మీడియాలో హాట్ టాపిక్ గా ఉంది. విజయ్ తనయుడు సంజయ్‌ హీరోగా లేదా నటుడిగా అవుతాడని అంతా అనుకుంటున్నారు కానీ మొదట సంజయ్‌ కి దర్శకత్వం చేయాలి అనేది డ్రీమ్‌ అన్నట్లుగా చంద్రశేఖర్ పేర్కొన్నాడు.

డైరెక్షన్‌ కు సంబంధించిన పలు విభాగాల పట్ల అవగాహణ కోసం విదేశాల్లో శిక్షణ తీసుకున్నట్లుగా చంద్రశేఖర్‌ పేర్కొన్నారు. దర్శకత్వం చేసేందుకు అతడి వద్ద కథలు కూడా ఉన్నాయని చంద్రశేఖర్ తెలియజేశాడు. మొదటి సినిమాగా విజయ్‌ సేతుపతితో ఒక సినిమాను తీయాలని సంజయ్ కోరుకుంటున్నట్లుగా కూడా చంద్ర శేఖర్‌ తెలియజేశాడు.

సూపర్ స్టార్‌ తనయుడు అంటే మరో సూపర్ స్టార్‌ అవుతాడు అని అంతా అనుకుంటారు. కానీ సంజయ్ మాత్రం ఒక మంచి టెక్నీషియన్ అవ్వాలి అనుకోవడం ఒకింత ఆశ్చర్యంగా ఉంది. దర్శకత్వం చేసిన తర్వాత మళ్లీ నటన వైపు సంజయ్ ఆకర్షితుడు అవుతాడా అనేది చూడాలి.

ఇక విజయ్ సినిమాల విషయానికి వస్తే వారసుడు సినిమా ఈ నెల 14న తెలుగు లో 11న తమిళంలో ప్రేక్షకుల ముందుకు రాబోతుంది. మరో వైపు లోకేష్ కనగరాజ్ దర్శకత్వంలో ఒక సినిమాను విజయ్ చేస్తున్నాడు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.