మరో బాలీవుడ్ బ్యూటీతో జత కట్టనున్న విజయ్'D..?

రౌడీ స్టార్ విజయ్ దేవరకొండ ఇప్పుడు కొత్త ప్రాజెక్ట్స్ సెట్ చేసుకునే పనిలో ఉన్నారు. తిరిగి సెట్స్ లో అడుగుపెట్టడానికి టైం పడుతుండటంతో.. ఈ సమయాన్ని దర్శక రచయితల నుండి స్క్రిఫ్ట్‌ లను వినడానికి ఉపయోగించుకుంటున్నాడని తెలుస్తోంది.

'లైగర్' సినిమాతో పాన్ ఇండియా స్థాయిలో సత్తా చాటాలనుకున్న విజయ్ కు నిరాశే ఎదురైంది. పూరీ జగన్నాథ్ దర్శకత్వంలో తెరకెక్కిన ఈ సినిమా బాక్సాఫీస్ వద్ద బోల్తా కొట్టింది. దీంతో దర్శక హీరోల కాంబినేషన్ లో సెట్స్ మీదకు వెళ్లిన 'JGM' ప్రాజెక్ట్ ని పక్కన పెట్టేశారనే టాక్ నడుస్తోంది.

ఇక శివ నిర్వాణ డైరెక్షన్ లో 'ఖుషి' అనే సినిమా చేస్తున్నాడు VD. ఇందులో సమంత రూత్ ప్రభు హీరోయిన్ గా నటిస్తోంది. ఇప్పటికే మెజారిటీ భాగం షూటింగ్ జరుపుకున్న ఈ మూవీ తదుపరి షెడ్యూల్ కోసం వేచి చూస్తున్నారు. సామ్ అనారోగ్యంతో భాద పడుతున్న కారణంగా ఈ సినిమా డిలే అవుతోందని తెలుస్తోంది.

ఈ నేపథ్యంలో 'జెర్సీ' ఫేమ్ గౌతమ్ తిన్ననూరితో తన తదుపరి చిత్రం కోసం విజయ్'D చర్చలు జరుపుతున్నట్లు గత కొన్ని రోజులుగా వార్తలు వస్తున్నాయి. ఇప్పటికే దర్శకుడు చెప్పిన లైన్ ను రౌడీ హీరో ఓకే చేసినట్లుగా టాక్. దిల్ రాజు బ్యానర్ లో ఈ ప్రాజెక్ట్ కు సంబంధించిన అధికారిక ప్రకటన రావొచ్చని అంటున్నారు.

ఇదిలా ఉంటే విజయ్ దేవరకొండ పాన్ ఇండియా సినిమా కోసం మరో బాలీవుడ్ బ్యూటీతో వర్క్ చేయనున్నట్లు ఆంగ్ల మీడియాలో వార్తలు వస్తున్నాయి. 'లైగర్' చిత్రంలో అనన్య పాండేతో రొమాన్స్ చేసిన VD.. ఇప్పుడు అందాల భామ శార్వరి వాఘ్ తో జోడీ కట్టబోతున్నట్లు నివేధిస్తున్నారు.

సెట్స్ లో విజయ్ దేవరకొండ మరియు శర్వరి కలిసున్న ఓ ఫోటో ఆధారంగా వీరిద్దరూ ఒక సినిమాలో స్క్రీన్ షేర్ చేసుకోబోతున్నట్లు బాలీవుడ్ మీడియా కథనాలు అల్లుతోంది. అయితే అది సినిమా కోసం కాదు.. ఓ కమర్షియల్ యాడ్ షూటింగ్ లో ఈ జంట భాగం అవుతుందనే టాక్ కూడా వినిపిస్తోంది.

ఇందులో ఏది నిజమో తెలియదు కానీ.. విజయ్ ఇటీవలే బాలీవుడ్ బ్యూటీ కియారా అద్వానీతో కలిసి ఓ యాడ్ లో కనిపించాడు. ఇప్పుడు సినిమా లేదా వాణిజ్య ప్రకటన కోసం మరో నార్త్ బ్యూటీ శార్వరి వాఘ్ తో యువ హీరో జత కట్టనున్నట్లు నివేదికలు పేర్కొంటున్నాయి.

ఇకపోతే 'లవ్ రంజన్' 'ప్యార్ కా పంచనామా 2' 'బాజీరావ్ మస్తానీ' 'సోను కే టిటు కి స్వీటీ' వంటి చిత్రాలకు అసిస్టెంట్ డైరెక్టర్ గా వర్క్ చేసిన శర్వరి వాఘ్.. కబీర్ ఖాన్ డైరెక్ట్ చేసిన 'ది ఫర్గాటెన్ ఆర్మీ - ఆజాదీ కే లియే' అనే వెబ్ సిరీస్ తో తెరంగేట్రం చేసింది. ఆ తర్వాత 'బంటీ ఔర్ బాబ్లీ 2' సినిమాతో హీరోయిన్ బిగ్ స్క్రీన్ మీదకు వచ్చింది.

'బంటీ ఔర్ బాబ్లీ 2' చిత్రంలో శర్వరి నటనకు బెస్ట్ డెబ్యూ హీరోయిన్ గా ఫిలిం ఫేర్ అవార్డ్.. డెబ్యూ ఆఫ్ ది ఇయర్ గా ఐఫా అవార్డ్స్ దక్కాయి. ఈ బ్యూటీ ప్రస్తుతం 'మహారాజా' అనే సినిమాలో హీరోయిన్ గా నటిస్తోంది. ఇదే క్రమంలో ఒకవేళ శర్వరీ - విజయ్‌'Dలు జోడీగా నటిస్తే ఖచ్చితంగా ఒక ట్రీట్ అవుతుందని నెటిజన్లు కామెంట్స్ చేస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.