వారం పాటు ట్విట‌ర్లో `పుష్ప‌క విమానం` జాత‌ర!

ఆనంద్ దేవ‌ర‌కొండ క‌థానాయ‌కుడిగా న‌టించిన `పుష్ప‌క విమానం` ఈనెల 12న రిలీజ్ అవుతోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార‌ చిత్రాలు సినిమాకు మంచి బ‌జ్ ని తీసుకొచ్చాయి. స్టైలిష్ స్టార్ అల్లు అర్జున్ చేతుల మీదుగా రిలీజ్ అయిన‌ ట్రైల‌ర్ ఆద్యంతం ఆక‌ట్టుకుంటోంది. ఇంకా రిలీజ్ లోపు సినిమాని ఆడియ‌న్స్ కు వీలైనంత రీచ్ చేయాల‌ని యూనిట్ ప్లాన్ చేస్తోంది. ఇక ఈ సినిమా కోసం విజ‌య్ దేవ‌ర‌కొండ ప్ర‌త్యేకంగా శ్ర‌ద్ద తీసుకుని ప్ర‌మోట్ చేస్తున్నారు. అన్ని తానే ముందుండి చూసుకుంటు న్నారు. విశాఖ‌లో నిర్వ‌హించే ప్రీ రిలీజ్ ఈవెంట్ కి ఓ బిగ్ స్టార్ ని సైతం తీసుకొస్తున్న‌ట్లు ప్ర‌చారంలో ఉంది.

ఇప్ప‌టికే యూ ట్యూబ్ ఇంట‌ర్వ్యూలు అంటూ ఫేమ‌స్ అయిన వాటన్నింటిని చుట్టేసారు. తాజాగా ట్విట‌ర్ వేదిక‌గా అభిమానుల‌కు బ్ర‌ద‌ర్స్ ఇద్ద‌రు ట‌చ్ లో కి వ‌చ్చారు. సినిమా గురించి ప్ర‌శ్నించి త‌మ సందేహాల‌న్నింటిని తీర్చుకోవ‌చ్చ‌ని విజ‌య్ దేవ‌ర‌కొండ పిలుపునిచ్చారు. ముఖ్య‌మైన ప్ర‌శ్న‌ల‌న్నింట‌కి తప్ప‌కుండా బ్ర‌ద‌ర్స్ ఇద్ద‌రు స‌మాధానం ఇస్తార‌ని తెలిపారు. అంటే సినిమా రిలీజ్ కి ఇంకా ఐదారు రోజులు స‌మ‌యం ఉంది. ఈలోపు విజ‌య్..ఆనంద్ ట్విట‌ర్ ఖాతాల‌కు త‌మ ప్ర‌శ్న‌ల్ని పంపిచ‌వ‌చ్చు. వాళ్లు వీలును బ్ట‌టి వాటికి సమాధానాలు ఇస్తారు అన్న మాట‌. ఈ ర‌కంగా ఈవారం రోజుల పాటు సినిమాకు బోలెడంత ప‌బ్లిసిటీ ద‌క్కుతుంద‌న్న‌ది దేవ‌ర‌కొండ ప్లాన్.

బ్ర‌ద‌ర్స్ ప్లాన్ బాగుంది. వ‌ర్కౌట్ అయితే ఇంకా బాగుంటుంది. విజ‌య్ కి పాన్ ఇండియాలో క్రేజ్ ఉంది కాబ‌ట్టి సినిమాకి రీచ్ ఎక్కువ‌గానే ఉంటుంద‌ని తెలుస్తోంది. మ‌రి ఇంత‌గా సినిమాని ప్ర‌మోట్ చేస్తున్నారు? కాబ‌ట్టి `పుష్ప‌క విమానం`లో క‌చ్చితంగా మ్యాట‌ర్ ఉండాల్సిందే. విజ‌య్ ప‌ర్స‌న‌ల్ గా ప్ర‌మోట్ చేస్తున్నాడు కాబ‌ట్టి కంటెంట్ ఉన్న సినిమానే ఫ్యాన్స్ అంతా కాన్ప్ డెంట్ గా ఉన్నారు. మ‌రి ఆ సంగ‌తి తేలాలంటే న‌వంబ‌ర్ 12 వ‌ర‌కూ వెయిట్ చేయాల్సిందే. ఈ చిత్రానికి దామోద‌ర్ ద‌ర్శ‌క‌త్వం వ‌హిస్తున్నారు. గోవ‌ర్ద‌న‌రావు దేవ‌ర‌కొండ‌..విజ‌య్ ద‌శి..ప్ర‌దీప్ ఎర్ర‌బ‌ల్లి సంయుక్తంగా నిర్మిస్తున్నారు.