దీపావళిపై కర్చీఫ్ వేసేసిన స్టార్

సౌత్ సూపర్ స్టార్ రజినీకాంత్ లేటెస్ట్ మూవీ.. రోబో సీక్వెల్ 2.0 ను ఈ ఏడాది దీపావళికి విడుదల చేస్తామని ఓ ఆరేడు నెలలుగా చెప్పుకుంటూ వస్తున్న శంకర్ అండ్ టీం.. చివరకు చేతులెత్తేశారు. 2018 రిపబ్లిక్ డే నాటికి రిలీజ్ చేస్తారనే టాక్ ఉంది కానీ.. ఇది కూడా డౌటే అనే వాళ్లు కూడా ఉన్నారు.

మన దగ్గర దసరా పండగ సినిమాలకు ఎంత ముఖ్యమైన సీజన్ అనే విషయం తెలిసిందే. అలాగే తమిళ్ మార్కెట్ కి దీపావళి అంత పెద్ద సెంటిమెంట్. అందుకే ఇలా తలైవా రజినీ మూవీ వాయిదా పడగానే.. అదే డేట్ పై కర్చీఫ్ వేసేశాడు ఇలయ దళపతి. విజయ్ నటిస్తున్న లేటెస్ట్ మూవీని అక్టోబర్ లో రిలీజ్ చేయనున్నట్లు అఫీషియల్ గానే చెప్పేశారు. అంతే కాదు.. మరిన్ని అప్ డేట్స్ ను కూడా ఇచ్చాడు దర్శకుడు అట్లీ. జూన్ 22న ఫస్ట్ లుక్.. ఆగస్ట్ లో ఆడియో లాంఛ్.. అక్టోబర్ లో మూవీ రిలీజ్ చేయబోతున్నట్లు యూనిట్ నుంచి అధికారిక ప్రకటన వచ్చేసింది.

భారీ బడ్జెట్ రూపొందుతున్న ఈ మూవీలో విజయ్ మూడు పాత్రల్లో నటిస్తుండగా.. కాజల్.. సమంత.. నిత్యా మీనన్ లు హీరోయిన్ లు గా నటిస్తున్నారు. ఏఆర్ రెహమాన్ సంగీతం అందిస్తున్న ఈ చిత్రానికి ఇంకా టైటిల్ డిసైడ్ చేయలేదు. విజయ్ 61గా అభిమానులు పిలుచుకుంటున్న ఈ మూవీకి.. బాహుబలి రైటర్ విజయేంద్ర ప్రసాద్ కథ అందించడం విశేషం.


Like Us on Facebook : https://www.facebook.com/Tupakidotcom/