Begin typing your search above and press return to search.
మహేష్ 26 .. అత్తగారి సీక్రెట్స్ లీక్
By: Tupaki Desk | 11 May 2019 6:17 AM GMT
సూపర్ స్టార్ మహేష్ కథానాయకుడిగా నటించిన మహర్షి ఇటీవలే రిలీజై మిశ్రమ స్పందనలు అందుకున్న సంగతి తెలిసిందే. ఈ సోమవారం నుంచి మహర్షికి వసూళ్ల పరంగా రియల్ ఛాలెంజ్ ఎదురు కానుందన్న చర్చ సాగుతోంది. ఈ ప్రచారం నడుమ మహేష్ తదుపరి సినిమాకి సన్నాహకాల్లో ఉండడంపై అభిమానుల్లో ఆసక్తికర చర్చ సాగుతోంది. మహేష్ నటించే 26వ సినిమా ఎలా ఉండబోతోంది? ఆ సినిమా కథాంశం ఏంటి? కాస్టింగ్ ఎవరిని ఎంపిక చేసుకున్నారు? మహేష్ ని డైరెక్ట్ చేస్తున్న యంగ్ ట్యాలెంట్ అనీల్ రావిపూడి మరోసారి ఎఫ్ 2 లాంటి బ్లాక్ బస్టర్ ని తీస్తాడా? అంటూ ఒకటే ఎగ్జయిట్ మెంట్ ఘట్టమనేని అభిమానుల్లో కనిపిస్తోంది.
తాజా సమాచారం ప్రకారం.. మరోసారి ఎఫ్ 2 రేంజు కామెడీ ఎంటర్ టైనర్ ని తెరకెక్కించేందుకు అనీల్ రావిపూడి సన్నాహకాల్లో ఉన్నారని తెలుస్తోంది. మహేష్ కెరియర్ లో దూకుడు ఏ తరహానో ఇప్పుడు తీయబోయే సినిమా అదే తరహా అని ప్రచారం సాగుతోంది. ఈ సినిమా పక్కా విలేజ్ బ్యాక్ డ్రాప్ లో పూర్తి స్థాయి ఫ్యామిలీ ఎంటర్ టైనర్ గా ఉంటుందని తెలుస్తోంది. ఇందులో మహేష్ ని కొత్త యాంగిల్ లో చూపించాలని రావిపూడి ఎంతగానో తపిస్తున్నారట. ఆ మేరకు స్క్రిప్టులో క్యారెక్టరైజేషన్ పై పూర్తి స్థాయిలో వర్కవుట్ చేస్తున్నారని తెలుస్తోంది. జూన్ 15 నుంచి ఈ సినిమా సెట్స్ పైకి వెళ్లనుంది. అప్పటికి స్క్రిప్టు పరంగానూ పూర్తి స్థాయి రూపురేఖలు వచ్చేస్తుందట.
ఈ ప్రాజెక్టు గురించి నమ్మలేని మరో ఆసక్తికర సంగతి రివీలైంది. ఇప్పటివరకూ మహేష్ సినిమాలు అంటే భారీ బడ్జెట్లతో ఖరీదైన లొకేషన్లతో హడావుడి ఎక్కువ కనిపించేది. ఆ హడావుడి లేకుండానే పూర్తిగా స్క్రిప్టు బేస్డ్ సినిమా ఇదని చెబుతున్నారు. బడ్జెట్ పరంగానూ పూర్తి కంట్రోల్ లో ఉండేలా నిర్మాత అనీల్ సుంకర ఎన్నో జాగ్రత్తలు తీసుకుంటున్నారట. ఈ సినిమాలో లేడీ అమితాబ్ విజయశాంతి సూపర్ స్టార్ మహేష్ కి అత్త పాత్రలో నటించనున్నారు. అందుకోసం స్టార్ హీరోయిన్ రేంజులో రూ.2కోట్ల పారితోషికం డిమాండ్ చేశారన్న ప్రచారం సాగుతోంది. అయితే ఇది ఎంత వరకూ వాస్తవం? నిజంగానే అంత డిమాండ్ చేశారా? అన్నది తెలియాల్సి ఉందింకా. అత్త పాత్ర అంటే ఎలా ఉంటుంది? అంటే.. సీనియ‌ర్ కథానాయికలు వాణిశ్రీ.. ల‌క్ష్మీ త‌ర‌హాలోనే అత్త పాత్రలో గమ్మత్తయిన ఎలిమెంట్స్ ని అనీల్ రావిపూడి కూరుతున్నారట. అలాగే అత్త పాత్రకు షిఫ్ట‌వుతున్న విజయశాంతి... ఒక‌ప్పుడు `అత్తకు య‌ముడు అమ్మాయికి మొగుడు` చిత్రంలో అత్త కూతురుగా నటించిన సంగతి తెలిసిందే. ఆ మూవీలో చిరుకి అత్త‌గా.. తనకు తల్లిగా వాణిశ్రీ నటించారు. తాజా లీకేజీని బట్టి కూతురిని ప్రేమించి అత్తకు ముకుతాడు వేసే అల్లరి కుర్రాడి పాత్రలో మహేష్ నటిస్తున్నారా? అంటూ ముచ్చటా సాగుతోంది.
తాజా సమాచారం ప్రకారం.. మరోసారి ఎఫ్ 2 రేంజు కామెడీ ఎంటర్ టైనర్ ని తెరకెక్కించేందుకు అనీల్ రావిపూడి సన్నాహకాల్లో ఉన్నారని తెలుస్తోంది. మహేష్ కెరియర్ లో దూకుడు ఏ తరహానో ఇప్పుడు తీయబోయే సినిమా అదే తరహా అని ప్రచారం సాగుతోంది. ఈ సినిమా పక్కా విలేజ్ బ్యాక్ డ్రాప్ లో పూర్తి స్థాయి ఫ్యామిలీ ఎంటర్ టైనర్ గా ఉంటుందని తెలుస్తోంది. ఇందులో మహేష్ ని కొత్త యాంగిల్ లో చూపించాలని రావిపూడి ఎంతగానో తపిస్తున్నారట. ఆ మేరకు స్క్రిప్టులో క్యారెక్టరైజేషన్ పై పూర్తి స్థాయిలో వర్కవుట్ చేస్తున్నారని తెలుస్తోంది. జూన్ 15 నుంచి ఈ సినిమా సెట్స్ పైకి వెళ్లనుంది. అప్పటికి స్క్రిప్టు పరంగానూ పూర్తి స్థాయి రూపురేఖలు వచ్చేస్తుందట.
ఈ ప్రాజెక్టు గురించి నమ్మలేని మరో ఆసక్తికర సంగతి రివీలైంది. ఇప్పటివరకూ మహేష్ సినిమాలు అంటే భారీ బడ్జెట్లతో ఖరీదైన లొకేషన్లతో హడావుడి ఎక్కువ కనిపించేది. ఆ హడావుడి లేకుండానే పూర్తిగా స్క్రిప్టు బేస్డ్ సినిమా ఇదని చెబుతున్నారు. బడ్జెట్ పరంగానూ పూర్తి కంట్రోల్ లో ఉండేలా నిర్మాత అనీల్ సుంకర ఎన్నో జాగ్రత్తలు తీసుకుంటున్నారట. ఈ సినిమాలో లేడీ అమితాబ్ విజయశాంతి సూపర్ స్టార్ మహేష్ కి అత్త పాత్రలో నటించనున్నారు. అందుకోసం స్టార్ హీరోయిన్ రేంజులో రూ.2కోట్ల పారితోషికం డిమాండ్ చేశారన్న ప్రచారం సాగుతోంది. అయితే ఇది ఎంత వరకూ వాస్తవం? నిజంగానే అంత డిమాండ్ చేశారా? అన్నది తెలియాల్సి ఉందింకా. అత్త పాత్ర అంటే ఎలా ఉంటుంది? అంటే.. సీనియ‌ర్ కథానాయికలు వాణిశ్రీ.. ల‌క్ష్మీ త‌ర‌హాలోనే అత్త పాత్రలో గమ్మత్తయిన ఎలిమెంట్స్ ని అనీల్ రావిపూడి కూరుతున్నారట. అలాగే అత్త పాత్రకు షిఫ్ట‌వుతున్న విజయశాంతి... ఒక‌ప్పుడు `అత్తకు య‌ముడు అమ్మాయికి మొగుడు` చిత్రంలో అత్త కూతురుగా నటించిన సంగతి తెలిసిందే. ఆ మూవీలో చిరుకి అత్త‌గా.. తనకు తల్లిగా వాణిశ్రీ నటించారు. తాజా లీకేజీని బట్టి కూతురిని ప్రేమించి అత్తకు ముకుతాడు వేసే అల్లరి కుర్రాడి పాత్రలో మహేష్ నటిస్తున్నారా? అంటూ ముచ్చటా సాగుతోంది.
