రాములమ్మ పాత్రపై రచ్చ మొదలైంది

తెలుగు సినిమా చరిత్రలో విజయశాంతిది ప్రత్యేకమైన అద్యాయం. కథానాయికగా తిరుగులేని స్థాయిని అందుకోవడమే కాదు.. హీరోయిన్ఓ రియెంటెడ్సి నిమాలతో చరిత్ర సృష్టించి లేడీ అమితాబ్ అనే బిరుదు కూడా తెచ్చుకుంది. కథానాయికగా కెరీర్ ముగిశాక కూడా దశాబ్దం పైగా ఆమె తనే ప్రధాన పాత్రల్లో సినిమాలు చేసింది. తర్వాత రాజకీయాలపై దృష్టిపెట్టి సినిమాలకు దూరమైంది. ఐతే చాలా గ్యాప్ తర్వాత విజయశాంతి సినిమాల్లోకి పునరాగమనం చేయబోతోంది. మహేష్ బాబు హీరోగా అనిల్ రావిపూడి రూపొందించనున్న ‘సరిలేరు నీకెవ్వరు’లో ఆమె ఓ కీలక పాత్ర చేస్తున్న సంగతి తెలిసిందే. ఈ విషయం అధికారికంగా కూడా ధ్రువీకరణ అయింది.

తన రీఎంట్రీ గురించి విజయశాంతే స్వయంగా ప్రకటన కూడా చేసింది. రాములమ్మ ఈ స్టేట్మెంట్ ఇవ్వగానే ఆమె పాత్ర గురించి ఊహాగానాలు మొదలైపోయాయి. ఈ చిత్రంలో విజయశాంతే మెయిన్ విలన్ అని కొందరంటుంటే.. కాదు కాదు బాలనటుడిగా మహేష్‌ కు తల్లిగా నటించినట్లే ఇందులోనూ అతడి తల్లి పాత్రనే పోషిస్తోందంటూ మరికొందరు అంటున్నారు. ఇదేమీ కాదు.. ఆమెది ఇందులో ఆర్మీ మేజర్ పాత్ర చేస్తున్న మహేష్ కు విజయశాంతి పై అధికారిగా నటిస్తోందన్న ప్రచారమూ నడుస్తోంది. మొత్తానికి విజయశాంతి పాత్రపై ఈ స్థాయిలో ఊహాగానాలు నడుస్తున్నాయంటే ఆమె రీఎంట్రీపై సర్వత్రా ఎలాంటి ఆసక్తి ఉందో అర్థం చేసుకోవచ్చు. అనిల్ విజయశాంతినే ఈ పాత్రకు ఎంచుకున్నాడంటే.. ఇన్నేళ్ల తర్వాత రీఎంట్రీకి రెడీ అయిందంటే ఆ క్యారెక్టర్ ప్రత్యేకంగా ఉంటుందనే భావిస్తున్నారు.