బాహుబలి రైటర్‌.. డైరక్షన్‌ కన్ఫామ్‌?

గతేడాది సల్మాన్ ఖాన్ మూవీ భజరంగీ భాయ్ జాన్ సృష్టించిన సంచలనాలు చాలానే చూశాం. ఇక టాలీవుడ్ రూపొందిన బాహుబలి అయితే.. ఇంకా సెన్సేషన్స్ కంటిన్యూ చేస్తోంది. ఈ రెండు సినిమాలకు కథ అందించిన రైటర్ విజయేంద్రప్రసాద్. ఇప్పటివరకూ కూడా అనేక విజయవంతమైన సినిమాలకు కథలు ఇచ్చినా.. బాహుబలి - భజరంగీ భాయ్ జాన్ సక్సెస్ ల తర్వాత ఈయన స్థాయి అమాంతం మారిపోయింది.

ప్రస్తుతం బాలీవుడ్ నాయక్(తెలుగులో ఒకే ఒక్కడు) సీక్వెల్ కోసం ఖత ప్రిపేర్ చేసుకుంటున్నారు విజయేంద్ర ప్రసాద్. అయితే.. ఈయన మరో సంచలన చిత్రం తీసేందుకు కూడా పెన్ను పట్టారని తెలుస్తోంది. కబీర్ అనే టైటిల్ పై.. అజయ్ దేవగన్ హీరోగా ఓ మూవీని తెరకెక్కించనున్నారట. దీనికి కథ అందించడంతో పాటు ఆయనే దర్శకత్వం కూడా వహించనున్నారనే టాక్ వినిపిస్తోంది. ఈ మూవీ కాన్సెప్ట్ ఏంటంటే 1992లో బాబ్రీ మసీద్ కూల్చివేత తర్వాత.. దేశంలో చోటు చేసుకున్న ఘటనల బేస్డ్ గా ఈ కబీర్ ఉంటుందని అంటున్నారు.

సున్నితమైన సబ్జెక్ట్ కావడం.. వివాదం అయ్యే అవకాశం ఉండడంతో.. స్క్రిప్ట్ దశలోనే తప్పులు లేకుండా జాగ్రత్త పడుతున్నారని తెలుస్తోంది. కథతోనే వివాదం అవుతుందని అనిపిస్తున్న ఈ కబీర్ చిత్రానికి నిర్మాత ఎవరో తెలుసా... సెన్సార్ బోర్డ్ చీఫ్ పహ్లాజ్ నిహ్లానీ.