సినిమా ఏదైనా గెస్టు ఈయనే మరి!!

ఇప్పుడు చిన్న సినిమాల నుండి.. చాలామంది పెద్ద సినిమాల వారు కూడా.. ఒకే ఒకరిని తమ చీఫ్‌ గెస్టుగా పిలుస్తున్నారు. సినిమా రిలీజయ్యాక ఆ సినిమా కాస్త బాగుందంటే దర్శకరత్న దాసరి నారాయణరావు ఎలాగో మాట్లాడతారు.. కాని సినిమా రిలీజ్ కు ముందే సినిమాను ఎవరు ప్రమోట్ చేస్తారు? ఎవరు చక్కగా ప్రమోషన్లకు వచ్చి నాలుగు మాటలు చెబుతారు? అలా చెప్పేవారు కూడా చాలామంది ఉన్నారులే.

అయితే ఇప్పుడు ఏ సినిమా అయినా కూడా పెద్ద పెద్ద చీఫ్‌ గెస్టులు లేనప్పుడు ఖచ్చితంగా అక్కడ రాజమౌళి తండ్రి విజయేంద్రప్రసాద్ మాత్రం కనిపిస్తున్నారు. ఆ సినిమా ప్రొడక్షన్ తో కాని.. ఆ సినిమా రైటింగ్ తో కాని ఆయనకు సంబంధం లేకపోయినా కూడా చాలా ఈవెంట్లకు ఆయన వస్తున్నారు. అసలు విజయేంద్ర ప్రసాద్ కు ఇంత క్రేజ్ ఎందుకంటే.. ఆయన బాహుబలి సినిమాకు కథను అందించారనే పాపులార్టీ కారణంగానే. ఆ తరువాత బజరంగీ భాయిజాన్ సినిమా కూడా హిట్టవ్వడంతో ఈయన కథలకు డిమాండే కాదు.. ఈయనకూ డిమాండ్ అలా పెరిగిపోయింది. అయితే విజయేంద్ర ప్రసాద్ టాలెంటుకు కాస్త లేటుగానే గుర్తింపు వచ్చిందని చెప్పాలి.

ప్రస్తుతం బాహుబలి 2 పనుల్లో విజయేంద్రప్రసాద్ కూడా బిజీగా ఉన్నారు. ఆ తరువాత ఆయన తన డైరక్షన్ లో ఒక బాలీవుడ్ సినిమా కూడా చేయబోతున్నారని తెలుస్తోంది. ఆలోపు ఇలా ఇతర సినిమాల ఈవెంట్లకు హాజరవుతున్నారనమాట.