విజయేంద్ర ప్రసాద్.. ఒక ఎరోటిక్ థ్రిల్లర్

విజయేంద్ర ప్రసాద్.. ఎరోటిక్ థ్రిల్లర్..ఆ పేరుకు, ఈ మాటకు ఏమాత్రం సూటవుతున్నట్లు లేదు కదా. కానీ పెద్దాయన మాత్రం పెద్ద సెన్సేషన్ క్రియేట్ చేయడానికే రెడీ అయిపోతున్నారు. తన స్వీయ దర్శకత్వంలో ‘వల్లి’ అనే ఎరోటిక్ థ్రిల్లర్ రూపొందించారాయన. ఆ మధ్య బాహుబలి - భజరంగి బాయిజాన్ సినిమాలు విడుదలైన టైంలో విజయేంద్ర ప్రసాద్ ఒక అడల్ట్ రేటెడ్ మూవీ చేయబోతున్నట్లు వార్తలు వచ్చిన సంగతి తెలిసిందే. 75 ఏళ్ల పెద్దాయన ఆ టైపు సినిమా చేయడమేంటని అప్పట్లో జనాలు లైట్ తీసుకున్నారు కానీ.. ఆయన మాత్రం సైలెంటుగా సినిమా తీసేశారు. ఇదో సెన్సేషనల్ మూవీ కావడం ఖాయమని విజయేంద్ర సినిమా గురించి చెప్పిన విశేషాల్ని బట్టి అర్థమవుతోంది.

‘‘మనిషి మనసు చదవగలిగే యంత్రం కనిపెట్టడా నికి జీవితాన్ని ధారపోసే ఓ సైంటిస్ట్ కూతురు వల్లి. ఆమె తన తండ్రి లక్ష్యాన్ని సాధించాలనుకుంటుంది. ఆ క్రమంలోనే తన గురువు చేసే ప్రయోగాలకు ఆధారమవు తుంది. దీంతో ఆమెకు తన గత జన్మ స్మృతులు గుర్తుకు వస్తాయి. అప్పుడే తను లైలా అని తెలుస్తుంది. ఈ లైలా ప్రేమ కోసం వేయి సంవ త్సరాలుగా ఎదురుచూస్తున్న మజ్ను, ఇంకో పక్క వల్లిని ప్రేమించే యువకుడు, మరో పక్క ఆమెను ఇబ్బందిపెట్టే లెస్బియన్.. వీళ్ల మధ్య కథ నడుస్తుంది. ఇదొక రొమాంటిక్‌ ఎరోటిక్‌ థ్రిల్లర్’’ అని చెప్పారు విజయేంద్ర ప్రసాద్. నేహా హింగే - రజత్ కృష్ణ - అర్హా ముఖ్య పాత్రలు పోషిస్తున్న ఈ చిత్రాన్ని బృందావన్ నిర్మిస్తున్నాడు. తెలుగు - కన్నడ - హిందీ భాషల్లో ఒకేసారి విడుదల కానుందీ సినిమా.