ఒకే ఒక్కడు సీక్వెల్.. బాహుబలి రైటర్

బాహుబలితో దర్శకధీరుడుగా రాజమౌళి పేరు ఎంతలా మార్మోగిపోతోందో.. ఆ మూవీ రైటర్ గా విజయేంద్ర ప్రసాద్ కూడా అంతే గుర్తింపు పొందుతున్నారు. గతేడాది సల్మాన్ నటించిన బాలీవుడ్ మూవీ భజరంగీ భాయ్ జాన్ కి కూడా స్టోరీ ఇవ్వడం.. బాహుబలి-భజరంగీలు రెండూ 600కోట్లకు మించిన వసూళ్లు సాధించడంతో.. ఇండియాలోనే టాప్ రైటర్ అనిపించేసుకున్నారు.

ఇప్పుడీయన రెండు సినిమా స్టోరీలు రాసే పనిలో ఉన్నారట. ఆ రెండూ సీక్వెల్ కథలే కావడమే అసలు పాయింట్. రవితేజతో తీసిన విక్రమార్కుడు చిత్రానికి సీక్వెల్ స్టోరీని సిద్ధం చేస్తున్నాడట ఈ రైటర్. ఇప్పటికే ఈ కథ రాయడం దాదాపు పూర్తి కాగా.. ప్రస్తుతం మెరుగులు దిద్దే పనిలో ఉన్నారట. మరోవైపు కోలీవుడ్ కోసం శంకర్ దర్శకత్వంలో రూపొందిన 'ఒకే ఒక్కడు' మూవీకి కూడా సీక్వెల్ కథ రాస్తున్నారట.

అయితే.. ఈ రెండు కథలకు సీక్వెల్స్ కూడా ఇంట్రెస్ట్ కలిగించేవే అయినా.. వీటిని ఎవరు డైరెక్ట్ చేస్తారనే విషయమే ఇంకా తెలియలేదు. ఆసక్తి కలిగించే మరో విషయం ఏంటంటే.. విక్రమార్కుడు2 కి విజయేంద్ర ప్రసాద్ కథ రాస్తుంటే.. ఆ సినిమాను తీసిన రాజమౌళి బాహుబలి తీస్తున్నాడు. అలాగే ఒకేఒక్కడు2కి స్టోరీ రెడీ అవుతుంటే.. ఆ చిత్రాన్ని డైరెక్ట్ చేసిన శంకర్ రోబో2 తీస్తున్నాడు. అయిన సరే.. ఇదంతా జస్ట్ కోఇన్సిడెన్స్ అంతే. నమ్మండి మరి!

Like Us on Facebook : https://www.facebook.com/Tupakidotcom/