బాయ్ కాట్‌ అంటేనే తెలియదన్న స్టార్‌ హీరో

తమిళ్‌ స్టార్ హీరో విక్రమ్‌ నటించిన కోబ్రా విడుదలకు సిద్ధంగా ఉంది. ఈ వినాయక చవితి సందర్భంగా ప్రేక్షకుల ముందుకు రాబోతున్న ఈ సినిమా పై అంచనాలు భారీగా ఉన్నాయి. తమిళ్‌ తో పాటు తెలుగు లో కూడా భారీ ఎత్తున ఈ సినిమాను విడుదల చేయబోతున్నారు. అక్కడ ఇక్కడ హీరో విక్రమ్‌ మరియు ఇతర యూనిట్‌ సభ్యులు పెద్ద ఎత్తున సినిమా ను ప్రమోట్‌ చేస్తున్నారు.

ఆ సందర్భంగా హీరో విక్రమ్ మీడియాతో మాట్లాడుతూ ట్రెండింగ్ టాపిక్ గురించి స్పందిస్తూ బాబోయ్ నాకేం తెలియదు.. నన్ను అందులోకి లాగవద్దు అన్నట్లుగా మెల్లగా జారుకున్నాడు. అసలు విషయం ఏంటీ అంటే బాలీవుడ్ సినిమాలను మరియు బాలీవుడ్‌ స్టార్స్ ను వేదిస్తున్న బాయ్ కాట్ బ్యాచ్‌ కి సంబంధించి ఒక సినిమా వ్యక్తిగా మీ స్పందన ఏంటీ అంటూ విక్రమ్ ని జర్నలిస్ట్‌ అడిగారు.

ఆ సమయంలో విక్రమ్‌ కాస్త తెలివిగా సమాధానం ఇచ్చాడు. బాయ్ తెలుసు.. గర్ల్‌ తెలుసు కానీ ఈ బాయ్ కాట్‌ అంటే ఏంటీ నాకు తెలియదు అంటూ సమాధానం ను దాట వేశాడు.

బాలీవుడ్‌ విషయాన్ని ఇక్కడ టచ్ చేయడం మంచిది కాదు. ఆయన మరే విషయంను ఈ బాయ్ కాట్‌ బ్యాచ్ గురించి మాట్లాడితే ఏం జరుగుతుందో ఆయనకు కూడా తెలుసు.

అందుకే చాలా సింపుల్ గా తనకు బాయ్ కాట్ అంటేనే తెలియదు అన్నట్లుగా విక్రమ్‌ సమాధానం ఇచ్చి తప్పించుకున్నాడు. విక్రమ్‌ చాలా కాలంగా ఒక భారీ సక్సెస్ కోసం వెయిట్‌ చేస్తున్నాడు.

తెలుగు లో ఒకప్పుడు మంచి పాపులారిటీని దక్కించుకున్న విక్రమ్ ఇప్పుడు మాత్రం మరీ దారుణంగా కనీసం తన సినిమాను కూడా విడుదల చేయడానికి ఇబ్బంది పడుతున్నాడు. కనుక ఈ సినిమా హిట్ అయితే తప్ప ఆయన్ను తెలుగు ప్రేక్షకులు ఆదరించే అవకాశం ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.