స్టార్‌ హీరో తాత అయ్యాడు

తమిళ స్టార్ హీరో చియాన్‌ విక్రమ్‌ కూతురు అక్షిత వివాహం 2017లో వైభవంగా జరిగిన విషయం తెల్సిందే. మను రంజిత్‌.. అక్షితల వైవాహిక జీవితం ప్రారంభం అయ్యి మూడు ఏళ్లు పూర్తి కాబోతుంది. ఈ సమయంలోనే వారి ప్రేమకు గుర్తుగా పండంటి పాపాయికి జన్మనిచ్చారు. అక్షిత చెన్నైలోని ప్రముఖ ఆసుపత్రిలో డెలవరీ అయ్యింది. దాంతో విక్రమ్‌ ఇంట ఆనందాలు వెల్లువిరిశాయి. హీరోగా ఎన్నో సూపర్‌ హిట్స్‌ అందుకున్నా కూడా తన పాపకు మరో పాప వచ్చినప్పుడు ఆ ఆనందం వేరే ఉంటుంది అనడంలో ఎలాంటి సందేహం లేదు.

ప్రస్తుతం ఆ ఆనందంలో విక్రమ్‌ ఉన్నాడు. ఇటీవలే తనయుడు దృవ్‌ హీరోగా నటించిన ఆదిత్య వర్మ మంచి విజయాన్ని సొంతం చేసుకోవడంతో తండ్రిగా ప్రౌడ్‌ ఫీల్‌ అయిన విక్రమ్‌ ఇప్పుడు తాత అవ్వడంతో మరోసారి ఆనందంలో మునిగి పోయాడు. విక్రమ్‌ అల్లుడు మను రంజిత్‌ మాజీ తమిళనాడు ముఖ్యమంత్రి కరుణా నిధి కుటుంబంకు చెందిన వాడు అవ్వడంతో ఆ ఫ్యామిలీలో కూడా సంబురాలు అంబరాన్ని తాకాయి.